🇮🇳ചെറിയ വ്യത്യാസം, വലിയ അർത്ഥം. നമുക്ക് അറിയാം നമ്മുടെ ദേശീയ ദിനങ്ങൾ.🇮🇳

Time Taken To Read 2 minutes

പൊതുവെ പ്രധാനമായും ഭാരതത്തിൽ ദേശീയ പതാക ഉയർത്തുന്ന ചടങ്ങു രണ്ടു ദിവസങ്ങളിലാണ്.

ഒന്ന് സ്വാതന്ദ്ര്യ ദിനമായ ആഗസ്റ്റ് 15 ന്.

രണ്ടു റിപ്പബ്ലിക് ദിനമായ ജനവരി 26 ന്

രണ്ടിന്റെയും രീതിയും  അതിന്റെ അർത്ഥവും തികച്ചും വ്യത്യസ്തമാണ്.

1. സ്വാതന്ത്ര്യ ദിനം – ഓഗസ്റ്റ് 15

എന്താണ് ചെയ്യുന്നത്: പതാക “ഉയർത്തുക” (Hoisting) അതായത് കൊടിമരത്തിന്റെ താഴെ കെട്ടിവെച്ചിരിക്കുന്ന പതാക പ്രധാനമന്ത്രി ഉയർത്തുന്നു.

അതിനു ശേഷം ചെങ്കോട്ടയിൽ നിന്ന് (Red Fort) രാഷ്ട്രത്തെ അഭിസംബോധന ചെയ്യുന്നു.

കാരണം:

1947 ഓഗസ്റ്റ് 15 ന് നമ്മൾ ബ്രിട്ടീഷ് ഭരണത്തിൽ നിന്ന് സ്വതന്ത്രരായി.  

അന്ന് രാജ്യത്തിന് ഭരണഘടന ഉണ്ടായിരുന്നില്ല. നമ്മൾ അപ്പോഴും സ്വയം ഭരണ രാഷ്ട്രം (“Dominion of India”) ആയിരുന്നു.  

അതുകൊണ്ട് ജനങ്ങളാൽ തിരഞ്ഞെടുക്കപ്പെട്ട പ്രധാനമന്ത്രിയാണ് പുതിയ രാഷ്ട്രത്തിന്റെ തലവൻ എന്ന നിലയിൽ പതാക ഉയർത്തുന്നത്.       

“രാജ്യം സ്വതന്ത്രമായി, നമ്മൾ ഉയരത്തിലേക്ക് കുതിച്ചുകൊണ്ടിരിക്കുന്നു” എന്നതിന്റെ പ്രതീകമാണ്. താഴെ നിന്ന് മുകളിലേക്ക് പതാക ഉയർത്തുന്നത്.

2. റിപ്പബ്ലിക് ദിനം – ജനുവരി 26

എന്താണ് ചെയ്യുന്നത്: പതാക “നിവർത്തുക (” Unfurling)

അതായത് കൊടിമരത്തിന് മുകളിൽ ആദ്ദ്യമേ കെട്ടിവെച്ചിരിക്കുന്ന പതാക രാഷ്ട്രപതി. കർത്തവ്യപഥിൽ വന്ന് പതാക നിവർത്തുന്നു.

കാരണം:

1950 ജനുവരി 26 ന് നമ്മുടെ ഭരണഘടന നിലവിൽ വന്നു. ഇന്ത്യ ഒരു പരമാധികാര റിപ്പബ്ലിക്കായി.  

അന്ന് മുതൽ രാഷ്ട്രത്തിന്റെ ആദ്യത്തെ പൗരനും പരമോന്നത തലവനും രാഷ്ട്രപതിയാണ്.  

ഭരണഘടന പ്രകാരം രാജ്യം ഇതിനകം ഒരു റിപ്പബ്ലിക്കായി. അതുകൊണ്ട് പതാക ഇതിനകം തന്നെ “ഉയരത്തിൽ” ഉണ്ട്. നിവർത്തിയാൽ മതി.  

ഇത് “രാജ്യം ഇതിനകം പരമാധികാരമാണ്, മഹത്വത്തിൽ ഉറച്ചുനിൽക്കുന്നു” എന്നതിന്റെ പ്രതീകമാണ്. മുകളിൽ നിന്ന് നിവർത്തുന്നത്.

ചുരുക്കം – രണ്ടും ഒന്നല്ല, 

Aug 15 = നമ്മൾ സ്വാതന്ത്ര്യം നേടി  പ്രധാന മന്ത്രി പതാക ഉയർത്തുന്നു  

Jan 26 = നമ്മൾ റിപ്പബ്ലിക്കായി  രാഷ്ട്രപതി പതാക നിവർത്തുന്നു

ഇത് അറിയുന്നവരുണ്ടാവാം അറിയാത്തവർക്ക് ഉപകരിക്കുമല്ലോ

 🇮🇳 എല്ലാ ഭാരതീയർക്കും എന്റെ ഊഷ്‌മളമായ സ്വാതന്ദ്ര്യ ദിനാശംസകൾ 🇮🇳

മഠത്തിൽ ബാബു ജയപ്രകാശ്.

Follow the link https://chuvannakatukanittamayyazhi.com