🇮🇳 സ്വാതന്ത്ര്യം വീണ്ടെടുക്കേണ്ടതുണ്ട് – നമ്മുടെ നാടിനും നാളേയ്ക്കും വേണ്ടി 🇮🇳

Time Taken To Read 4 Minutes

ഒരിക്കൽ എവിടെയോ വായിച്ച് എന്റെ മനസ്സിൽ ആഴത്തിൽ പതിഞ്ഞ വരികൾ, ഈ സ്വാതന്ത്ര്യ ദിനത്തിന്റെ സന്ദർഭത്തിൽ നിങ്ങളോട് പങ്കുവെച്ചുകൊണ്ടു തുടങ്ങട്ടെ.

ജീവിതത്തിൽ ഒന്നും കൂട്ടിച്ചേർക്കാനോ, ഒഴിവാക്കാനോ തയ്യാറല്ലെങ്കിൽ പരിമിത കാലത്തിനു ശേഷം ഒന്നിനും കൊള്ളാത്തവനാകുക എന്ന മാർഗം മാത്രമേ അവശേഷിക്കൂ.

സ്വയം മാറാനുള്ള ശേഷിയെ ബഹുമാനിക്കുകയും ഭയത്തെ അതിജീവിക്കുകയുമാണ് അർഹിക്കുന്ന അവസ്ഥയെ പ്രാപിക്കാനുള്ള വഴി….

ഒരേ അവസ്ഥയിൽ തുടർന്നുകൊണ്ട് വൈവിധ്യാനുഭവങ്ങളും വൈശിഷ്ട്യവും സ്വന്തമാക്കാൻ ആഗ്രഹിക്കുന്നവർ വള്ളം കെട്ടിയിട്ടു തുഴയുന്നവരാണ്.

ഉരുകാതെ ഉയർച്ചയില്ല… ഉലയാനോ, മാറാനോ തയാറാകുന്നില്ലെങ്കിൽ ആഗ്രഹിക്കുന്നതെല്ലാം നേടാനോ ലക്ഷ്യം വയ്ക്കുന്നതെല്ലാം സ്വന്തമാക്കാനോ കഴിയില്ല.

കാരണം നമുക്ക് മുൻപോട്ടുപോകാൻ സ്വാതദ്ര്യം വേണം… അതാണ് ഈ വരികൾ നമ്മളെ ഓർമ്മപ്പെടുത്തുന്നത്!

സ്വാതന്ത്ര്യം തന്നെ അമൃതം.
സ്വാതന്ത്ര്യം തന്നെ ജീവിതം.
പരതന്ത്ര്യം മാനികൾക്ക്
മൃതിയേക്കാൾ ഭയാനകം”

മഹാകവി കുമാരനാശാന്റെ ഈ വരികൾ നമുക്ക് ഓർമ്മപ്പെടുത്തുന്നത് ഒന്നേയുള്ളൂ. സ്വാതന്ത്ര്യം എന്നത് വെറും ഒരു ദിവസമല്ല, അത് നമ്മൾ ഓരോ ദിവസവും വീണ്ടെടുക്കേണ്ട ഉത്തരവാദിത്തമാണ്.

“നാളെ” നമ്മൾ 80-ാം സ്വാതന്ത്ര്യദിനം ആഘോഷിക്കുവാൻ പോകുകയാണ്. “നാളെ” അതൊരു പ്രതീക്ഷയാണ് ആ പ്രതീക്ഷയ്‌ക്കൊരു ഉറപ്പുവേണമെങ്കിൽ? നമ്മൾ നമ്മളിലൊരു വിശ്വാസം വളർത്തിയെടുക്കണം! അത് നമുക്ക് മുൻപിൽ സഞ്ചരിച്ചവർ നമുക്കായി (പൂർവികർ) രക്തം കൊണ്ട് എഴുതിച്ചേർത്ത ആ സ്വാതന്ത്ര്യം വെറുതെ കാണാൻ മാത്രമുള്ളതല്ല. അത് കാത്തുസൂക്ഷിക്കാനും, വളർത്താനും, അടുത്ത തലമുറയ്ക്ക് കൈമാറാനുമുള്ളതാണ്.

എന്നാൽ ഇന്ന് ചരിത്രം മറന്നു ധീര ദേശാഭിമാനികളെ പേരെടുത്തു പറഞ്ഞു അപാനിക്കുന്നതാണ് നമുക്ക് കാണാൻ കഴിയുന്നത് ഇത്തരം നുണപ്രചാരങ്ങൾക്കു കോടതിയിൽ നിന്നും വിലക്കും താക്കീതും ഉണ്ടായിട്ടും ഇന്നും തുടരുന്ന കാഴ്ചയാണ് നമുക്ക് മുൻപിൽ.

ഒരിക്കൽ നമ്മൾ വിദേശികളുടെ അടിമകളായിരുന്നു. ഇന്ന് ആ അടിമത്തം മാറി എന്ന് അഹങ്കരിക്കുമ്പോഴും  പുതിയ അടിമത്തങ്ങൾ നമ്മളിൽ വന്നുചേർന്നു.

അതായത്  മലിനീകരണം, കാലാവസ്ഥാ വ്യതിയാനം, വിഭവക്ഷാമം, ഭക്ഷണത്തിലെ മായം, ഭാരതത്തിനകത്തും പുറത്തുമുള്ള ഭീകരത. ആമിത വിധേയത്വം, ഈ മേഖലകളിൽ നിന്നെല്ലാം ഇന്നും നമ്മൾ പൂർണ സ്വാതന്ത്ര്യം നേടിയിട്ടില്ല.

യഥാർത്ഥ സ്വാതന്ത്ര്യം എന്താണ്? 

അതായത്…

നമ്മുടെ കുട്ടികൾക്ക് ശുദ്ധവായു ശ്വസിക്കാനുള്ള സ്വാതന്ത്ര്യം,? വാഹനങ്ങളുടെയും ഫാക്ടറികളുടെയും പുകയില്ലാത്ത ആകാശം

നമ്മുടെ നദികൾക്ക് മലിനമാകാതെ ഒഴുകാനുള്ള സ്വാതന്ത്ര്യം,? പ്ലാസ്റ്റിക്കും ചണ്ടിയും ഇല്ലാത്ത ജലം

നമ്മുടെ കൃഷിക്ക് മഴ കിട്ടാനുള്ള സ്വാതന്ത്ര്യം,? കാലാവസ്ഥാ വ്യതിയാനത്തിൽ നിന്നുള്ള മോചനം

മായം ചേർക്കാത്ത ഭക്ഷണ സാധനങ്ങൾ കിട്ടാനുള്ള സ്വാതന്ത്ര്യം,? ആരോഗ്യകരമായ ഭക്ഷണം

നമ്മുടെ ഭാഷയ്ക്ക് അന്തസ്സോടെ ജീവിക്കാനുള്ള സ്വാതന്ത്ര്യം,?

നമ്മുടെ സ്ത്രീകൾക്ക് സുരക്ഷിതമായി നടക്കാനുള്ള സ്വാതന്ത്ര്യം,
നമ്മുടെ നികുതി പണം ജനക്ഷേമത്തിന് ചെലവഴിക്കപ്പെടാനുള്ള സ്വാതന്ത്ര്യം…

ഇവയെല്ലാം സംരക്ഷിക്കേണ്ടതുണ്ട്. അതായത്… നമ്മുടെ അടിസ്ഥാനപരമായ ജീവിക്കാനുള്ള അവകാശങ്ങൾ തന്നെ!

റോഡിൽ സുരക്ഷിതമായി നടക്കാനുള്ള സ്വാതന്ത്ര്യം? അപകടങ്ങളും ട്രാഫിക് മലിനീകരണവും കുറഞ്ഞ നഗരങ്ങൾ

വെയിലത്തും പുറത്ത് കളിക്കാനുള്ള സ്വാതന്ത്ര്യം? Heat wave, UV, മലിനീകരണം ഇല്ലാത്ത നാളുകൾ

കടക്കെണിയില്ലാതെ ജീവിക്കാനുള്ള സ്വാതന്ത്ര്യം? വിദേശ ഇന്ധനത്തിന് കൊടുക്കുന്ന ആയിരക്കണക്കിന് കോടി നമ്മുടെ രാജ്യത്ത് നിൽക്കുമ്പോൾ കിട്ടുന്ന സാമ്പത്തിക സ്വാതന്ത്ര്യം. അതാണ് E20 തരുന്നത്.

പേടിയില്ലാതെ ജീവിക്കാനുള്ള സ്വാതന്ത്ര്യം? ടെററിസം, ലഹരി, സൈബർ കുറ്റകൃത്യങ്ങൾ ഇല്ലാത്ത സമൂഹം

വിദ്യാഭ്യാസം നേടാനുള്ള സ്വാതന്ത്ര്യം? മരം മുറിക്കാതെ, paper waste കുറച്ച് Digital ആയി പഠിക്കാനുള്ള അവസരം

പൈതൃകം സംരക്ഷിക്കാനുള്ള സ്വാതന്ത്ര്യം? മലിനീകരണത്തിൽ നിന്ന് നമ്മുടെ ക്ഷേത്രങ്ങളെയും സ്മാരകങ്ങളെയും രക്ഷിക്കൽ

ഈ സ്വാതന്ത്ര്യങ്ങളിൽ പലതിന്റെയും താക്കോൽ നമ്മുടെ കൈയിലുണ്ട്. 

E20 ഉപയോഗിക്കുന്നത് = ശുദ്ധവായു + കർഷക വരുമാനം + വിദേശ ആശ്രിതത്വം കുറക്കൽ

അതായത്, ഒരു ചെറിയ തീരുമാനം കൊണ്ട് നമ്മൾ 5 – 10 സ്വാതന്ത്ര്യങ്ങൾ ഒരുമിച്ച് സംരക്ഷിക്കുന്നു.

“രാഷ്ട്രീയ സ്വാതന്ത്ര്യം നേടി 79 വർഷമായി. ഇനി നമുക്ക് നേടാനുള്ളത് ജലസ്വാതന്ത്ര്യം, വായുസ്വാതന്ത്ര്യം, ഭക്ഷ്യസ്വാതന്ത്ര്യം, ഊർജ്ജസ്വാതന്ത്ര്യം. അതിനുള്ള ആദ്യ പടിയാണ് E20”

ശാസ്ത്രത്തിന്റെ പുരോഗതിയിൽ അഹങ്കരിച്ചും, പൈതൃകങ്ങളെ മറന്നും, പ്രകൃതിയെ ക്രൂരമായി ചൂഷണം ചെയ്തും മനുഷ്യർ ഉയരങ്ങളിൽ എത്തി. 
അപ്പോഴാണ് ലോകത്തെ സ്തംഭിപ്പിച്ച്, മുൾമുനയിൽ നിർത്തി പ്രകൃതി മനുഷ്യർക്കു ഒരു പാഠം തന്നത്.

എന്നിട്ടും പാഠം പഠിക്കാതെ, മനുഷ്യൻ വീണ്ടും അതേ തെറ്റുകൾ ആവർത്തിക്കുന്നു.

ഈ ചങ്ങലകൾ പൊട്ടിച്ചെറിയാൻ നമുക്ക് ഇന്ന് ഒരു അവസരം ഉണ്ട്. ഓരോ ഇന്ത്യക്കാരനും ചെയ്യാൻ കഴിയുന്ന ഒരു ചെറിയ, കൈത്താങ്ങ് പക്ഷേ വലിയ മാറ്റത്തിന് കാരണമാകും.

അതാണ് E20 പെട്രോളിലൂടെ ആവട്ടെ സ്വാതന്ത്ര്യത്തിന്റെ പുതിയ പടി.

ഇവിടെയാണ് നമ്മൾ ഓരോരുത്തരുടെയും ഉത്തരവാദിത്തം തുടങ്ങുന്നത്. സ്വയം ബോധവൽക്കരിക്കലാണ്.

E20 എന്നാൽ 20% എത്തനോൾ കലർന്ന പെട്രോൾ ആണ്. എത്തനോൾ നമ്മുടെ കൃഷിയിടങ്ങളിൽ നിന്ന്, കരിമ്പിൽ നിന്നും ധാന്യങ്ങളിൽ നിന്നും നമ്മുടെ കർഷകർ ഉണ്ടാക്കുന്നതാണ്.

പ്രിയ യുവാക്കളോടും കുട്ടികളോടും ഒരു അഭ്യർത്ഥന

നിങ്ങളാണ് ഈ മാറ്റത്തിന്റെ വാഹകർ. വീട്ടിലെത്തി അച്ഛനോടും അമ്മയോടും E20 യെക്കുറിച്ച് സംസാരിക്കൂ. 

https://www.facebook.com/share/v/1BWh2yRHYN/

Video proof attached. E 20 petrol is safe. Just click the link & Watch.

എന്നിട്ടു “കക്ഷി രാഷ്ട്രീയം മറന്ന്, നമ്മുടെ നാടിന്റെ വളർച്ചയ്ക്ക് കൈകോർക്കാനും, നിങ്ങളുടെ സുരക്ഷിതമായ ഭാവിക്ക് വേണ്ടി ചിന്തിക്കാനും അവരോട് അഭ്യർത്ഥിക്കുക” കാരണം?

“E20 ഉപയോഗിച്ചാൽ നമ്മുടെ വായു ശുദ്ധമാകും, കർഷകർക്ക് നല്ലതാണ്, രാജ്യത്തിന് നല്ലതാണ്” എന്ന് ലളിതമായി പറഞ്ഞു മനസ്സിലാക്കി കൊടുക്കൂ. ഒരു ചെറിയ സംസാരം കൊണ്ട് ഒരു വലിയ മാറ്റത്തിന് തുടക്കമിടാൻ നിങ്ങൾക്ക് കഴിയും.

ഒരു കാര്യം കൂടി ഓർക്കണം. ഇതുവരെ നമ്മൾ കണ്ടത്? നമ്മുടെ രാജ്യം പുരോഗമിക്കാൻ എന്തെങ്കിലും പുതിയ പദ്ധതി കൊണ്ടുവരുമ്പോൾ എല്ലായിപ്പോഴും എതിർപ്പുകളും സമരങ്ങളും ഉണ്ടാകാറുണ്ട്.  ഉദാഹരണത്തിന്.

സാറ്റലൈറ്റ് വിക്ഷേപണം നടത്തിയപ്പോൾ കമ്പ്യൂട്ടർ വരവ്, എയർപോർട്ട്, ഹൈവേ, ഗ്യാസ് പൈപ്പ് ലൈൻ – ഇതെല്ലാം തുടക്കത്തിൽ എതിർപ്പുകൾ കേട്ടതാണ്. 

നിങ്ങളൊന്നാലോചിച്ചു നോക്കൂ അന്ന് അവർ ചെയ്ത സമരം വിജയിച്ചിരുന്നെങ്കിൽ നമ്മുടെ അവസ്ഥ എന്താകുമായിരുന്നെന്നു.

വിരോധാഭാസം എന്തെന്നാൽ, അതിനെതിരെ ഏറ്റവും ഉച്ചത്തിൽ ശബ്ദിച്ചവർ തന്നെയാണ് ഇന്ന് അതിനെ ജീവശ്വാസം പോലെ കൊണ്ടുടക്കുന്നതിൽ മുൻന്തിയിൽ. ഇതിനെയൊക്കെ തെറി വിളിച്ചുകൊണ്ട് പപ്രതിഷേിക്കുമ്പോഴും, ഇവരുടെ കുട്ടികളും കുടുംബവും അമേരിക്കയിലും ബ്രിട്ടനിലും ജർമ്മനിയിലും ഫ്രാൻസിലും ജപ്പാനിലും പഠിക്കുകയും, ജോലി ചെയ്യുകയും, ചികിത്സ തേടുകയും ചെയ്യുന്നുണ്ടായിരുന്നു.

എങ്കിലും നമുക്ക് ആശ്വാസം നൽകുന്നത് അൽപ്പം  വൈകിയെങ്കിലും  എതിർത്തവരും മറ്റാരേക്കാളും മുൻപന്തിയിൽ ഉണ്ടെന്നു കാണുമ്പോൾ നമുക്ക് ആശ്വസിക്കാം ഇന്ന് അവയെല്ലാം നമ്മുടെ അഭിമാനമാണ്, നമ്മുടെ ദൈനംദിന ജീവിതത്തിന്റെ  ഭാഗമാണ്. 

അന്നവരോർക്കാതെ പോയത്? പദ്ധതികൾ വൈകുമ്പോൾ ചിലവ് കൂടുന്നു. രാജ്യത്തിന്റെ പുരോഗതി തടസ്സപ്പെടുന്നു. ഒടുവിൽ നഷ്ടം നമുക്ക് തന്നെയാണ്.    

അതുകൊണ്ട് പ്രിയ യുവാക്കളേ, ഏതൊരു വിഷയവും പഠിക്കുക, മനസ്സിലാക്കുക, എന്നിട്ട് തീരുമാനിക്കുക. വെറും കേട്ടുകേൾവികളുടെയും നെഗറ്റീവ് പ്രചരണങ്ങളുടെയും പിന്നാലെ പോകരുത്. ശാസ്ത്രീയമായി, രാജ്യത്തിന്റെ നന്മയ്ക്ക് വേണ്ടി ചിന്തിക്കുന്നവരായി മാറൂ.

നിങ്ങളുടെ പങ്ക് എന്താണ്?

1.  ഒരു മരം നടൂ – അത് സ്വാതന്ത്ര്യത്തിന്റെ അടയാളമാണ്.

2.  പ്ലാസ്റ്റിക് ഒഴിവാക്കൂ – നദികളെ രക്ഷിക്കൂ.

3.  E20 നെക്കുറിച്ച് വീട്ടിൽ പറയൂ  മാറ്റത്തിന് തുടക്കമിടൂ.

4.  ഐക്യത്തോടെ നിൽക്കൂ – നമ്മുടെ കരുത്ത് ഒറ്റക്കെട്ടിലാണ്.

ദേശീയ സുരക്ഷാ ഉപദേഷ്ടാവ് അജിത് ദോവൽ അടുത്തിടെ യുവാക്കളോട് പറഞ്ഞു – സ്വാതന്ത്ര്യം എന്നാൽ തോന്നുന്നത് ചെയ്യുകയല്ല. നമ്മുടെ സ്വാതന്ത്ര്യം ഉപയോഗിച്ച് രാഷ്ട്രത്തെ ശക്തമാക്കുക എന്നതാണ്

യഥാർത്ഥ സ്വാതന്ത്ര്യം. E20 തിരഞ്ഞെടുക്കുന്നത്, പരിസ്ഥിതി സംരക്ഷിക്കുന്നത്, കർഷകരെ പിന്തുണയ്ക്കുന്നത് – ഇതാണ് ഇന്നത്തെ സ്വരാജ്.”അദ്ദേഹം തുടർന്ന് പറഞ്ഞു.

ലോക്മാന്യ ബാൽ ഗംഗാധർ തിലക്: “സ്വരാജ് എന്റെ ജന്മാവകാശമാണ്. എന്ന വാക്കിനെ പുതിയ രീതിയിൽ പറഞ്ഞു:

“തിലക് ഇന്ന് ജീവിച്ചിരുന്നെങ്കിൽ, നമ്മൾ സ്വരാജ് നേടിക്കഴിഞ്ഞു, ഇനി ഭാരതത്തെ ശക്തവും വികസിതവുമാക്കുക എന്നതാണ് നമ്മുടെ ജന്മാവകാശം എന്ന് പറയും”

സ്വാതന്ത്ര്യം എന്നത് പതാക ഉയർത്തുന്നതിൽ മാത്രമല്ല. നമ്മുടെ മണ്ണിനെയും വായുവിനെയും വെള്ളത്തെയും സംരക്ഷിക്കുന്നതിലും കൂടിയാണ്.

എഴുത്തുകാരി സുധാ മൂർത്തി രാജ്യസഭയിൽ പറഞ്ഞ കഥ ഓർക്കുന്നുണ്ടോ? 

1979-ൽ അമേരിക്കയിൽ പോയപ്പോൾ വിസ ഓഫീസർ പറഞ്ഞു: “6 മാസത്തെ വിസ ചോദിക്കാൻ എങ്ങനെ ധൈര്യം? ഞങ്ങൾ 3 മാസത്തെ വിസ മാത്രമേ തരൂ.”
അവർക്ക് അന്ന് നാണക്കേട് തോന്നി. പക്ഷേ ഭർത്താവ് നാരായണ മൂർത്തി പറഞ്ഞു: “ബഹുമാനം കിട്ടുന്നത് പ്രകടനത്തിലൂടെയാണ്.”

10 വർഷം കഴിഞ്ഞ് വീണ്ടും പോയപ്പോൾ അതേ ഓഫീസർ പറഞ്ഞു: “ഇന്ത്യക്കാർ സംരംഭകരാണ്. ബെംഗളൂരു സിലിക്കൺ വാലി പോലെയാണ്.”

15 വർഷം കൊണ്ട് ഇന്ത്യയുടെ പ്രതിച്ഛായ മാറി. എങ്ങനെ? പ്രകടനത്തിലൂടെ.

ഇന്ന് ആ പ്രകടനത്തിന്റെ ഭാഗമാകാൻ നമുക്കും കഴിയും. 

വരും തലമുറയ്ക്ക് ഒരു ശുദ്ധവും ശക്തവുമായ ഭാരതം കൈമാറാനുള്ള പ്രതിജ്ഞ ഈ സ്വാതന്ത്ര്യ ദിനത്തിൽ എടുക്കാം.

ജയ് ഹിന്ദ്! വന്ദേ മാതരം!

വന്ദേ മാതരം സുജലാം സുഫലാം മലയജശീതലാം സസ്യശ്യാമലാം മാതരം വന്ദേ മാതരം

ശുഭ്രജ്യോത്സ്നാ പുളകിതയാമിനീം ഫുല്ലകുസുമിത ദ്രുമദലശോഭിനീം സുഹാസിനീം സുമധുരഭാഷിണീം സുഖദാം വരദാം മാതരം വന്ദേ മാതരം

കോടി കോടി കണ്ഠകലകലനിനാദ കരാലേ കോടി കോടി ഭുജൈർധൃത ഖരകരവാലേ അഭയദേ മാ തരസേ ജനതാ സേവേ സപ്തകോടി കണ്ഠകലകലനിനാദേ ഭുവി ത്വം സിംഹവാഹിനീ വന്ദേ മാതരം

ത്വം ഹി ദുർഗാ ദശപ്രഹരണധാരിണീ കമലാകമലദളവിഹാരിണീ വാണീ വിദ്യാദായിനീ നമാമി ത്വാം നമാമി കമലാം അമലാം അതുലാം വന്ദേ മാതരം

ശ്യാമലാം സരലാം സുസ്മിതാം ഭൂഷിതാം ധരണീം ഭരണീം മാതരം വന്ദേ മാതരം

വന്ദേ മാതരം വന്ദേ മാതരം വന്ദേ മാതരം വന്ദേ മാതരം

വാൽക്കഷണം

ജന്തർ മന്ദറിലെ സമരം: പേപ്പർ ലീക്കിന്റെ പേരിൽ നടന്നതോ?

ജന്തർ മന്ദർ സമരം NEET പരീക്ഷയിലെ ചോദ്യപേപ്പർ ലീക്കിന്റെ പേരിലാണ് നടന്നത്! പക്ഷേ, അവിടെ യഥാർത്ഥത്തിൽ എന്താണ് സംഭവിച്ചത്? നിങ്ങളെല്ലാവരും അത് കണ്ടിട്ടുണ്ടല്ലോ!

അതായിരുന്നു കാരണമെങ്കിൽ  എന്തുകൊണ്ട് പഞ്ചാബ്, ഗോവ, കേരളം, ഝാർഖണ്ഡ് എന്നിവിടങ്ങളിൽ അവർ “S” എന്ന വാക്ക് പോലും ഉച്ചരിക്കുന്നില്ല!

അവരുടെ ഉദ്ദേശം നിങ്ങളേതെറ്റിദ്ധരിപ്പിച്ചു സർക്കാരിനെതിരെ തിരിക്കുക എന്നതാണ് വിദേശ ശക്തികളുടെ കളി! വിശ്വസിക്കുന്ന രീതിയിൽ നുണകൾ ഉണ്ടാക്കി നിങ്ങളെ സ്വാധീനിക്കാൻ അവർ ശ്രമിക്കും.
അതിനുവേണ്ടി അവർ ഏത് മാർഗ്ഗവും സ്വീകരിക്കും! അത് തിരിച്ചറിയാതെ പോകരുത്!     

മഠത്തിൽ ബാബു ജയപ്രകാശ്……..✍️My Watsapp Contact No 9500716709