യുക്തിയും ശാസ്ത്രവും സമന്ന്വയിപ്പിച്ച മണ്ണ്? ഭാരത മണ്ണ്!

Time Taken To Read 3 Minutes

“സർവ്വവും കാണുന്ന കണ്ണ് – നമ്മുടെ ശാസ്ത്രം”

നമ്മൾ പഠിച്ച ശാസ്ത്ര – ചരിത്ര പുസ്തകങ്ങളൊക്കെ നമ്മളോട് കള്ളങ്ങൾ പറഞ്ഞു! 

അതായത്, ലോകത്തിന് ശാസ്ത്രവും യുക്തിയും പഠിപ്പിച്ചത് പാശ്ചാത്യരായിരുന്നു എന്ന്! 

എന്നാൽ ഇന്നത്തെ “യുക്തിവാദികൾ” എന്ന് സ്വയം അഹങ്കരിക്കുന്നവർ അറിയാതെ പോയ യാഥാർത്ഥ്യം ഇതാണ്:  

ലോകം നാഗരികതയിലേക്ക് പ്രവേശിക്കുംമുൻപേ തന്നെ, നമ്മുടെ മുനിമാർ പ്രപഞ്ചത്തിന്റെ രഹസ്യങ്ങൾ ഓരോന്നായി അഴിച്ചെടുക്കുന്നുണ്ടായിരുന്നു!

അതാണ് ചരിത്രം ബോധപൂർവ്വം മറക്കാൻ ശ്രമിച്ച, അല്ലെങ്കിൽ മറന്നുപോയ ഭാരതത്തിന്റെ സ്വന്തം കഥ!

ലോകത്തിലെ ആദ്യത്തെ “Scientific Method” ഏതെന്നു നമ്മളെ പഠിപ്പിച്ചത്

17-ാം നൂറ്റാണ്ടിൽ ഫ്രഞ്ച് ചിന്തകൻ റെനേ ഡെക്കാർട്ട് കൊണ്ടുവന്നതാണ് “യുക്തിചിന്ത” എന്നാണ്.

എന്നാൽ അതിന് 1800 വർഷങ്ങൾക്ക് മുൻപേ തന്നെ, ഭാരതത്തിലെ ഋഷിയായ അക്ഷപാദ ഗൗതമൻ “ന്യായ ശാസ്ത്രം” എന്ന സിദ്ധാന്തം കൊണ്ടുവന്നിരുന്നു!  

അതായത്: “ഒരു കാര്യവും കണ്ണടച്ച് വിശ്വസിക്കരുത്. കേട്ടതും കണ്ടതും യുക്തിചിന്തയ്ക്ക് അനുസരിച്ച് നിരീക്ഷിച്ച് പരീക്ഷിച്ചേ വിശ്വസിക്കാവൂ.”  

ചിലപ്പോൾ അതായിരിക്കും ലോകത്തിലെ ആദ്യത്തെ ശാസ്ത്രത്തിന്റെ മാതൃക – Scientific Method!

ഭൂമി കറങ്ങുന്നു എന്ന് പറഞ്ഞ ആദ്യത്തെ ശാസ്ത്രജ്ഞൻ എ ഡി 5 -ാം നൂറ്റാണ്ട് വരെ “ഭൂമി അനങ്ങാതെ നിൽക്കുന്നു” എന്ന് വിശ്വസിച്ച ലോകത്തോട്, ഭാരതീയനായ ആര്യഭട്ടൻ വിളിച്ചു പറഞ്ഞു: “ഭൂമി ഒരു അച്ചുതണ്ടിൽ കറങ്ങുകയാണ്” എന്ന്!

വെറും 23-ാം വയസ്സിൽ അദ്ദേഹം നമുക്ക് ഉദാഹരണം തന്നു:  

“ഒരു വഞ്ചിയിലിരുന്ന് തുഴഞ്ഞ് മുന്നോട്ട് പോകുമ്പോൾ മരങ്ങൾ പിറകോട്ട് പോകുന്നതായി തോന്നുന്നതുപോലെയാണ്. ഗ്രഹങ്ങൾ പിറകോട്ട് പോകുന്നതായി തോന്നുന്നത് ഭൂമി കറങ്ങുന്നതുകൊണ്ടാണ്.”

കോപ്പർനിക്കസിന് 1000 വർഷങ്ങൾക്ക് മുൻപാണ് അദ്ദേഹം ഇത് ലോകത്തോട് പറഞ്ഞത്!  

അതുകൊണ്ട് തീർന്നില്ല! ആധുനിക ഉപകരണങ്ങളൊന്നുമില്ലാതെ തന്നെ, അദ്ദേഹം കൃത്യമായി കണ്ടെത്തി: ഭൂമിയുടെ ചുറ്റളവ് 39,968 കിലോമീറ്റർ ആണെന്ന്!  

ഇന്ന് Science വളർന്ന് AI യുഗത്തിലെത്തിയിട്ടും, അദ്ദേഹത്തിന്റെ കണക്കും ഇന്നത്തെ കണക്കും തമ്മിലുള്ള വ്യത്യാസം വെറും 0.2% മാത്രം!

അക്കാലത്തെ മറ്റൊരു വിശ്വാസം: “ഗ്രഹങ്ങൾ സ്വയം പ്രകാശിക്കുന്നു” എന്നതായിരുന്നു.  

എന്നാൽ ആര്യഭട്ടൻ യുക്തിചിന്തയിലൂടെ തെളിയിച്ചു: “ഗ്രഹങ്ങൾ സ്വയം പ്രകാശിക്കുന്നതല്ല. മറിച്ച് സൂര്യരശ്മികൾ ഗ്രഹങ്ങളിൽ പതിച്ച് പ്രതിഫലിക്കുന്നതാണ്.”

അദ്ദേഹം കണ്ടെത്തിയ മറ്റൊരു അത്ഭുതം?

ഒരു വർഷത്തിന് 365 ദിവസം, 6 മണിക്കൂർ, 12 മിനിറ്റ്, 30 സെക്കൻഡ്!

കണക്കില്ലാതെ എന്ത് ശാസ്ത്രം? 

ലോകത്തോട് ആദ്യമായി അദ്ദേഹം പറഞ്ഞു: “ഒരു വൃത്തത്തെ കണക്കാക്കാനുള്ള അടിസ്ഥാനം π ആണ്. അതിന്റെ സംഖ്യ 3.1416 ആണ്.”

Trigonometry-യുടെ പട്ടികകൾ നിർമ്മിച്ച് അതിന് അടിത്തറ പാകിയതും ആര്യഭട്ടൻ തന്നെ!  

അദ്ദേഹം വികസിപ്പിച്ച ദശാംശ സംവിധാനം (Decimal System) ന്റെ ചുവടുപിടിച്ച്, 7-ാം നൂറ്റാണ്ടിൽ ഭാരതീയ ശാസ്ത്രജ്ഞനായ ബ്രഹ്മഗുപ്തൻ “പൂജ്യത്തെ” ഒരു സ്വതന്ത്ര സംഖ്യയായി ഉപയോഗിച്ചു.

ഒരുപക്ഷേ ഭാരതം ദശാംശവും പൂജ്യവും കണ്ടെത്തി നൽകിയില്ലായിരുന്നെങ്കിൽ, ഇന്ന് നമ്മൾ അഹങ്കരിക്കുന്ന Computer, Laptop, Calculator, Mobile, Car, Flight… ഒന്നുമുണ്ടാകുമായിരുന്നില്ല!

കാരണം എല്ലാം കണക്കിലാണ് അതുകൊണ്ടുതന്നെയാണ് കണക്കുതെറ്റിയാൽ എല്ലാം തെറ്റുമെന്നു . ചാക്കോ മാഷും നമ്മളോട് പറഞ്ഞത്.

“ഭൂഗോളത്തിന്റെ സ്പന്ദനം കണക്കിലാണ്. Without Mathematics ഭൂമി വെറുമൊരു വട്ടപ്പൂജ്യം. “സ്ഫടികം” Spadikam (1995) സിനിമയിലെ ഡയലോഗാണ്

28 വർഷം കഴിഞ്ഞിട്ടും മലയാളികൾ ഇപ്പോഴും പല സാഹചര്യത്തിലും ഈ ഡയലോഗ് പറയും

അവസാനമായി… 

പറഞ്ഞുവരുന്നത് ഇത്രമാത്രം: “ശാസ്ത്രവും യുക്തിയും പരസ്പര പൂരകങ്ങളാണ്” എന്ന് കണ്ടെത്തിയത് ഭാരതീയരാണ്!  

എന്നാൽ “ശാസ്ത്രം വേറെ, യുക്തി വേറെ” എന്ന് വേർതിരിച്ച്, നമ്മുടെ പൈതൃകം തന്നെ ഇല്ലാതാക്കാൻ ഒരു പറ്റം “യുക്തിവാദികൾ” കൂട്ടുനിന്നു.  

ശാസ്ത്രം പാശ്ചാത്യർ സ്വന്തമാക്കാൻ അവർ വഴിയൊരുക്കി.

വിദേശികൾ ഭാരതത്തിലെത്തി കവർന്നത് സ്വർണവും പണവും പ്രകൃതി വിഭവങ്ങളും മാത്രമല്ല…  

നമ്മുടെ മുനിമാർ നമുക്ക് പകർന്നു തന്ന അറിവുകളും, നമുക്കായി സൂക്ഷിച്ച താളിയോല ഗ്രന്ഥങ്ങളും കൂടിയാണ്!  

അവരുടേതാക്കി, ശേഷിപ്പുകൾ കത്തിച്ചും ഇടിച്ചുപൊളിച്ചും ഇല്ലാതാക്കി!

പറഞ്ഞുവരുമ്പോൾ, നമ്മുടെ രാമായണവും, മഹാഭാരതവും, ഭഗവദ്ഗീതയും നമ്മളോട് പറഞ്ഞതു തന്നെയാണ് ഇന്നും ലോകത്ത് നടന്നുകൊണ്ടിരിക്കുന്നത്!

ഭാരതം ശാസ്ത്രത്തിന്റെ ജന്മദേശമാണ്! നമുക്കേവർക്കും ഭാരതം സ്വാതന്ദ്ര്യം നേടിയിട്ട് ഇത്രയും വര്ഷമായിട്ട് ഭരിച്ച  സർക്കാർ ഇത്തരം കാര്യങ്ങളിലൊന്നും ശ്രദ്ദിക്കാതെ ഇരുന്നതിന്റെ ഭവിഷ്യത്താണ് നമ്മളിന്നനുഭവിക്കുന്നതു . 

ഭാരതം കർമ്മഭൂമിയാണെന്നു പണ്ടേ പൂർവീകർ പറഞ്ഞുവെച്ചിട്ടുണ്ട് അത് തന്നെയാണ് മഹർഷി വര്യനായ ശ്രീ നരേന്ദ്ര ദാമോദർ ദാസ് മോഡിജിയെ 2014 ൽ നമുക്ക് പ്രധാനമന്ത്രിയായി ലഭിച്ചത് അഭിമാനിക്കാം!   നമുക്കതിൽ  🇮🇳

ഇത്രയൊക്കെ പറയുമ്പോൾ കേരളക്കാരനായ ഒരു മലയാളി ഗണിതശാസ്ത്രത്തിനു നൽകിയ സംഭവനയെ പറ്റിക്കൂടി പറയാതെ പോകുന്നത് ശരിയല്ലല്ലോ ?

കാൽക്കുലസ് = കലനഗണിതം

ഇതാണ് കാൽക്കുലസിന്റെ ഔദ്ദ്യോഗീക മലയാളം പേര്.

പദം പൊളിച്ചുനോക്കുമ്പോൾ

കലനം = മാറ്റം, ചലനം, ചെറുതായി കൂടുന്ന/കുറയുന്ന പ്രക്രിയ 

ഗണിതം = കണക്ക്

അതായത് “മാറ്റങ്ങളുടെ കണക്ക്” എന്നാണ് അർത്ഥം!

എന്ത്കൊണ്ടാണ് കാൽക്കുലസിന്  രണ്ടു പ്രധാന ഭാഗമുണ്ടെന്നു പറയുന്നത് ? അതായത്

ഡിഫറൻഷ്യൽ കാൽക്കുലസ് –  അവകലന ഗണിതം എന്തെങ്കിലും എത്ര വേഗത്തിൽ മാറുന്നു എന്ന് കണ്ടുപിടിക്കുന്നു. ഉദാഹരണം കാറിന്റെ സ്പീഡ്

ഇന്റഗ്രൽ കാൽക്കുലസ് – സമാകലന ഗണിതം ചെറിയ കഷ്ണങ്ങൾ കൂട്ടി മൊത്തം കണ്ടുപിടിക്കുന്നു. ഉദാഹരണം കാർ പോയ മൊത്തം ദൂരം…

സംഗമഗ്രാമ മാധവൻ ഇതിനെ എന്ത് വിളിച്ചു?

അദ്ദേഹം “കാൽക്കുലസ്” എന്ന വാക്ക് ഉപയോഗിച്ചിട്ടില്ല. 

അദ്ദേഹം ഉപയോഗിച്ചത് “അനന്ത സൂക്ഷ്മ ഗണിതം” എന്ന കൺസപറ്റ് ആണ്. അതായത് “ഒരു കാര്യത്തെ അനന്തമായി ചെറിയ കഷ്ണങ്ങളാക്കി കണക്കു കൂട്ടുന്ന വിദ്യ”.

പിന്നീട് കേരളത്തിലെ സ്കൂൾ ഗ്രന്ഥങ്ങളിൽ ഇതിനെ “യുക്തി” എന്നും വിളിച്ചിരുന്നു.

ഒറ്റവാക്കിൽ പറഞ്ഞാൽ

കാൽക്കുലസ് = നിൽക്കാതെ മാറിക്കൊണ്ടിരിക്കുന്ന ലോകത്തെ കണക്കു കൂട്ടാനുള്ള ടൂൾ!  ഈ സിദ്ധാന്തമായിരുന്നു ന്യൂട്ടനും മുൻപേ  “അനന്ത സൂക്ഷ്മ ഗണിതം”  (കാൽക്കുലസ്) കണ്ടെത്തിയ മലയാളി! അതായത് കരിങ്കല്ലിൽ വിരിഞ്ഞ ചരിത്രം – സംഗമഗ്രാമ മാധവൻ

നമ്മൾ സ്കൂളിൽ പഠിച്ചതെല്ലാം ശരിക്കും പൂർണമായിരുന്നോ? നമ്മൾ സ്‌കൂളിൽ പഠിച്ചത്? നമ്മളെ പഠിപ്പിച്ചത്?

“കാൽക്കുലസ് = ന്യൂട്ടൺ + ലെയ്ബ്നിസ്” എന്നാണ് നമ്മൾ 10-ാം ക്ലാസ്സിൽ മനപ്പാഠമാക്കിയത്! പക്ഷേ 250 വർഷം മുൻപ്, യൂറോപ്പിൽ ആരും കാൽക്കുലസിനെ കുറിച്ച് സ്വപ്നം കാണുന്നതിന് മുൻപേ, കേരളത്തിലെ ഒരു ചെറിയ ഗ്രാമത്തിൽ ഒരു മലയാളി ഇരുന്ന് അനന്തതയെ കണക്കു കൂട്ടുകയായിരുന്നു! 

അതാണ്  സംഗമഗ്രാമ മാധവൻ. ഇരിഞ്ഞാലക്കുടയ്ക്കടുത്ത് സംഗമഗ്രാമം എന്ന് ഇപ്പോൾ വിളിക്കുന്ന കൂത്തനല്ലൂർക്കാരൻ! 

അദ്ദേഹം കണ്ടെത്തിയത് എന്തൊക്കെയാണ്?!

ന്യൂട്ടന്റെ കാൽക്കുലസ് എന്ന് നമ്മൾ വിളിക്കുന്നതിന്റെ നട്ടെല്ല് തന്നെ മാധവൻ 1350 – 1425 കാലത്ത് എഴുതി വെച്ചിട്ടുണ്ട്!

മാധവ ലെയ്ബ്നിസ് സീരീസ്: $ \frac{\pi}{4} = 1 – \frac{1}{3} + \frac{1}{5} – \frac{1}{7} + … $  

ഇത് ഉപയോഗിച്ചാണ് അദ്ദേഹം $\pi$-യുടെ മൂല്യം 11 ദശാംശം വരെ കൃത്യമായി കണ്ടുപിടിച്ചത്!

സൈൻ, കോസൈൻ സീരീസ്: $ sin x = x – \frac{x^3}{3!} + \frac{x^5}{5!} – … $  

ഇന്ന് നമ്മൾ കാൽക്കുലസിൽ “ടെയ്‌ലർ സീരീസ്” എന്ന് പഠിക്കുന്നതിന്റെ ആദ്യ രൂപമാണിത്! ടെയ്‌ലറെക്കാൾ 200 വർഷം മുൻപേ!

വ്യത്യാസം, അവിഭാജ്യം: ഒരു വൃത്തത്തെ അനന്തമായ ചെറിയ കഷ്ണങ്ങളാക്കി, അതിന്റെ ചുറ്റളവ് കൂട്ടി കൂട്ടി $\pi$ കണ്ടുപിടിക്കുന്ന രീതി! അതല്ലേ ഇന്നത്തെ ഇന്റഗ്രെഷൻ & ഡിഫറൻസേഷന്റെ അടിസ്ഥാനം?!

ഇതെല്ലാം അദ്ദേഹത്തിന്റെ ശിഷ്യന്മാർ എഴുതിയ യുക്തിഭാഷ തന്ത്രസംഗ്രഹം എന്നീ ഗ്രന്ഥങ്ങളിൽ കാണാം. പക്ഷേ നിർഭാഗ്യം, മാധവൻ തന്നെ എഴുതിയ മൂലഗ്രന്ഥങ്ങൾ ഇന്ന് കിട്ടാനില്ല!

പിന്നെ എന്തുകൊണ്ട് നമ്മൾ ഇത് കേട്ടിട്ടില്ല?

ഇതാണ് ഏറ്റവും വലിയ “തിരിമറി”!

ഭാഷയുടെ മതിൽ: മാധവനും കേരള സ്കൂളിലെ ജ്യോതിഷികളും എഴുതിയതെല്ലാം സംസ്കൃതത്തിലും മലയാളത്തിലുമായിരുന്നു. യൂറോപ്പിലേക്ക് പോകാൻ ഒരു വഴിയുമില്ലായിരുന്നു.

അച്ചടി ഇല്ലായിരുന്നു: എല്ലാം ഓലയിൽ എഴുതി, ഗുരു – ശിഷ്യ പരമ്പരയിൽ മാത്രം കൈമാറി. ഒരു തലമുറ കഴിഞ്ഞപ്പോൾ പലതും നഷ്ടമായി.

ചരിത്രം എഴുതിയത് ആരാണ്?: കൊളോണിയൽ കാലത്ത് ചരിത്രം എഴുതിയത് യൂറോപ്പുകാരാണ്. “ശാസ്ത്രം തുടങ്ങിയത് ഗ്രീസിൽ നിന്ന്” എന്ന കഥയ്ക്ക് പുറത്ത് അവർക്ക് കാണാൻ തോന്നിയില്ല.

ന്യൂട്ടൺ 1665 – ൽ കാൽക്കുലസ് കണ്ടുപിടിക്കുമ്പോൾ, കേരളത്തിൽ നിന്ന് 300 വർഷം മുൻപേ അതിന്റെ എല്ലാ ഐഡിയകളും ജീവിച്ചിരുന്നു!

എന്റെ പുതിയ കാഴ്ചപ്പാട്: ഇത് വെറും “കണ്ടുപിടിത്തം” അല്ല!

ഞാൻ ഇതിനെ വെറും ഒരു “ന്യൂട്ടന് മുൻപേ” എന്ന കഥയായി കാണുന്നില്ല. 

ഇത് ഒരു “ചിന്താ രീതി”യുടെ കഥയാണ്.

യൂറോപ്പ് കാൽക്കുലസിനെ “പ്രപഞ്ചത്തെ തോൽപ്പിക്കാനുള്ള ആയുധം” ആക്കി. റോക്കറ്റ് വിടാൻ, യുദ്ധം ചെയ്യാൻ. 

പക്ഷേ മാധവൻ അതിനെ കണ്ടത് “ആകാശത്തെ മനസ്സിലാക്കാനുള്ള വഴി” ആയിട്ടാണ്! ജ്യോതിഷം, പഞ്ചാംഗം, ഗ്രഹങ്ങളുടെ സ്ഥാനം കൃത്യമായി പറയാൻ. 

അവർക്ക് തിടുക്കമില്ലായിരുന്നു. പേറ്റന്റ് എടുക്കാൻ തിടുക്കമില്ലായിരുന്നു. പേപ്പറിൽ പബ്ലിഷ് ചെയ്യാൻ തിടുക്കമില്ലായിരുന്നു. അവർക്ക് അറിവ് തന്നെയായിരുന്നു ലക്ഷ്യം.

അതുകൊണ്ടാണ് നമ്മുടെ അറിവ് കരിങ്കല്ലിൽ കൊത്തിവെച്ചപോലെ ഉറപ്പുള്ളതായിട്ടും, ലോകം അറിയാതെ പോയത്. നമ്മൾ അതിനെ “വിപണനം” ചെയ്തില്ല!

അഭിമാനിക്കാം, പക്ഷേ…

ഭാരതീയനായതിൽ, മലയാളിയായതിൽ നമുക്ക് അഭിമാനിക്കാം! 100%!

പക്ഷേ ആ അഭിമാനം “നമ്മുടെ ആൾ കണ്ടുപിടിച്ചു” എന്ന് ഫേസ്ബുക്കിൽ പോസ്റ്റ് ഇടുന്നതിൽ ഒതുങ്ങരുത്! 

മാധവൻ നമ്മളോട് ചോദിക്കുന്നത്: “നിങ്ങൾ ഇനി എന്താണ് കണ്ടുപിടിക്കുന്നത്?” എന്നാണ്! 

ആ കൂത്തനല്ലൂരിലെ കരിങ്കൽ മണ്ണിൽ നിന്ന് ഉയർന്ന ഒരു ചിന്ത ഇന്ന് AI – യെയും സ്‌പേസ് സയൻസിനെയും  മാറ്റിമറിക്കാൻ പോകുന്ന കാലത്താണ് നമ്മൾ ജീവിക്കുന്നത്. ആ ചങ്ങല നമ്മൾ തുടരേണ്ടേ? അതാണ് ശ്രി മോദിജിയുടെ മേക്കിൻ ഇന്ത്യയിലൂടെ നേടാൻ അദ്ദേഹം നമ്മളോട് ആഹ്വാനം ചെയ്യുന്നതും.

ചരിത്രം തിരുത്തപ്പെടേണ്ടതുണ്ട്! പലതും തിരുത്തി.. പലതും തിരുത്തികൊണ്ടിരിക്കുന്നു പാഠപുസ്തകത്തിൽ സംഗമഗ്രാമ മാധവന്റെ പേര് ന്യൂട്ടന്റെ കൂടെ തന്നെ വരേണ്ടതുണ്ട്!

നമ്മുടെ കുട്ടികൾക്ക് “കാൽക്കുലസ് = മാധവൻ” എന്ന് ആദ്യം പഠിപ്പിക്കാം! 

അവിടെ തുടങ്ങാം നമുക്ക്…. അവിടെന്നുതന്നെ തുടങ്ങണം നമ്മൾ എല്ലാം തിരിച്ചറിഞ്ഞു ഗുരുനാഥന്മാർ കുട്ടികളെ തെളിവുസഹിതം യാഥാർഥ്യം കുട്ടികളുടെ ചെറുമനസ്സുകളിലെത്തിക്കാൻ..

മഠത്തിൽ ബാബു ജയപ്രകാശ്……..✍️ My WatsApp Contact No. 9500716709