മാർജ്ജാര കഥ

Reading Time1 Minutes Maximum ഒരു നുറുങ്ങു കഥ

മയ്യഴിയിലും പരിസരത്തും, എന്തിനു അങ്ങ് സായിപ്പിന്റെ നാട്ടിൽ വരെ, ഇപ്പൊ പാലിനേക്കാൾ വലിയ ചർച്ച മാർജ്ജാര ശല്ല്യമാണ്.

പണ്ടൊക്കെ കേശവേട്ടന്റെ തൊഴുത്തും സാജ് ഫാമും നമ്പീശന്റെ പശുക്കളുമൊക്കെ ഉള്ളപ്പോൾ പാലിന് ഒരു കുറവുമില്ലായിരുന്നു. അന്നും പൂച്ചകളുണ്ടായിരുന്നു, പക്ഷെ അവയ്ക്ക് അതിരുണ്ടായിരുന്നു. പാത്രം മൂടിവെച്ചാൽ പിന്നെ പൂച്ച അടുക്കില്ല.

കാലം മാറി. മിൽമയും പാക്കറ്റ് പാലുമൊക്കെ വന്നപ്പോൾ പാല് സുലഭമായി. പൂച്ചകൾക്കും സുഖമായി. ആരും കാണാതെ മൂടി തുറന്നു കുടിക്കാൻ പഠിച്ച പൂച്ചകളുടെ എണ്ണം കൂടി. പാൽ കുറഞ്ഞത് കൊണ്ടല്ല, കിട്ടുന്ന പാൽ മുഴുവൻ കുടിച്ചു തീർക്കാൻ ആളുണ്ടായത് കൊണ്ടാണ് ഇപ്പൊ ക്ഷാമം.

കൊറോണ വന്നപ്പോൾ പലതും നിന്നു. പക്ഷെ പൂച്ചകളുടെ ദാഹം നിന്നില്ല. ഇപ്പൊ കേൾക്കുന്നൊരു കര കമ്പിയുണ്ട്: ഫ്രീ ആയി കിട്ടുന്ന പാൽ, കണ്ണടച്ച് ഇരുട്ടാക്കി, ആരും കാണുന്നില്ല എന്ന ഭാവത്തിൽ കുടിക്കുന്ന ചില മാർജ്ജാരന്മാരുണ്ടെന്ന്.

പാലുടമ ഇപ്പൊ രണ്ടു കാര്യങ്ങൾ ആലോചിക്കുന്നുണ്ട്. ഒന്ന്, ഏതൊക്കെ പൂച്ചയാണ് സ്ഥിരമായി പാത്രം കാലിയാക്കുന്നത് എന്ന് നോക്കി മണി കെട്ടണം. രണ്ട്, കെണി വെക്കണം. പക്ഷെ സത്യം പറഞ്ഞാൽ മണി കെട്ടാനൊന്നും ഉദ്ദേശമില്ല. കാരണം എല്ലാം നമ്മുടെ തന്നെ പൂച്ചകളല്ലേ. കുടിക്കട്ടേന്നു …. എന്നാൽ ചിലരുണ്ട് ഒന്ന് നക്കിനോക്കി പോകും അത് പാലിഷ്ടമില്ലാത്ത പൂച്ചകളാ … 

ആ പൂച്ചകളോടോന്നും പറയാനില്ല!

എന്നാൽ ചില കണ്ടംപൂച്ചകളുണ്ട് ഇടയ്ക്കു നല്ല റെസ്റ്റിയായി കുടിക്കും. ചിലപ്പോൾ കുഞ്ഞനമ്പ്യാരുടെ സദസ്സിലേ കഥപോലെ? മധുരമാണെങ്കിലും കയ്‌പ്പെന്ന് പറയും …. ടെയിസ്റ്റായി കുടിക്കാനുള്ള ആഗ്രഹമൊക്കെ ഉണ്ടാകും രണ്ടും മൂന്നും തവണയായി കുടിക്കും ആരെങ്കിലും കണ്ടാൽ പിന്നെ കൈപ്പായി 

പൂച്ചകളോട് ഒരൊറ്റ ചോദ്യമേയുള്ളൂ:  

പാൽ ഇവിടെ തന്നെയുണ്ട്. വെളിച്ചത്തു വന്ന്, മുഖത്ത് നോക്കി, “ദാഹിക്കുന്നു” എന്ന് പറഞ്ഞു കുടിക്കാൻ പറ്റുമ്പോൾ എന്തിനാണ് കണ്ണടച്ച് ഇരുട്ടാക്കി കുടിക്കുന്നത്?

കണ്ണടച്ചാൽ ലോകം ഇരുട്ടാവും എന്ന് വിചാരിക്കുന്നത് പൂച്ചയ്ക്ക് മാത്രമാണ്. പാൽ കൊണ്ടുവെക്കുന്നവർക്ക് എല്ലാം കാണാം.

എങ്കിലും സമാധാനമുണ്ട്. ചില കാട്ടുപൂച്ചകൾക്കെങ്കിലും ഇപ്പൊ കാര്യം പിടികിട്ടിത്തുടങ്ങിയിട്ടുണ്ട്. അവർ പതിയെ വെളിച്ചത്തേക്ക് വന്നു തുടങ്ങി.

ബാക്കിയുള്ളവർക്ക്… സമയമെടുക്കട്ടെ. പാലും ഇവിടെത്തന്നെയുണ്ട്, പാത്രവും.  

കുറിപ്പ് ഇത് വെറും പൂച്ചക്കഥയാണ്. ആർക്കെങ്കിലും എന്തെങ്കിലും തോന്നിയാൽ അത് തികച്ചും യാദൃശ്ചികം മാത്രം. 

 ചില പൂച്ചകളുണ്ട് മതിലിന്മേൽ ഇരിപ്പാണ് ഏതു ഭാഗം ചാടും എന്നറിയില്ല .

മഠത്തിൽ ബാബു ജയപ്രകാശ് ✍️        My WataspvCell No: 00971 9500716709