എന്റെ കഥ . – പപ്പട ചെട്ടിയാർ സ്റ്റേഷൻ പരിസരത്തെ ചില കഥയും

Reading Time Set 10 Minutes Maximum

കഥ തുടരുന്നു

ഷാർജ ഓഫീസിൽ, സർവ്വ പ്രതാപിയായിതുടരുന്നകാലം. “സദ്ദാം ഹുസെയിൻ” – എക്സ്പോർട്ട്ർ മാർക്കിടയിലെ എന്റെ ഇരട്ട പേരാണ്! ‘സദ്ദാം ഹുസെയിൻ’! വിലസുമ്പോഴാണ്? പാക്കിസ്ഥാനിൽ ബനേസീർ ഭൂട്ടോ തിരഞ്ഞെടുപ്പിൽ പരാജയപ്പെടുന്നതും; ബിസിനസ്സ് കാരൻ കൂടിയായ നവാബ് ഷെരീഫ് അധികാരത്തിൽ വരുന്നതും!

നമ്മുടെ കമ്പനിയുടെ ഇടപെടലിലൂടെ അവിടെത്തെ എകണോമി 90 ശതമാനത്തോളം വർദ്ധനവ് കാട്ടിയതു കണക്കിലെടുക്കാതെ; അദ്ദേഹം തേർഡ് പാർട്ടി ഇൻസ്‌പെക്ഷൻ പോളിസി! കച്ചവടക്കാരുടെ നിർബന്ധത്തിനു വഴങ്ങി നിർത്തലാക്കി!!.

അതോടെ നമ്മുടെ ഷാർജാ ഓപ്പറേഷനും നിർത്തലാക്കാൻ കമ്പനി (C O T E C N A) നിർബന്ധിതരായി !

ആ തീരുമാനം ഒരു മുന്നറിയിപ്പും ഇല്ലാതെ ആയിരുന്നു . ഈ ഒരു തീരുമാനം അറിഞ്ഞപ്പോൾ? ഏതാണ്ട് മയ്യഴി പാലം പൊട്ടിച്ചത് പോലുള്ള അനുഭവമായിരുന്നു എനിക്ക് !

ഉടനെ ഞാൻ അഫ്താബിനെ വിളിച്ചു! എന്റെ പഴയ മുതലാളിയോട്? കാര്ര്യങ്ങൾ  പറഞ്ഞു,!

അദ്ദേഹത്തിന് സന്തോഷം! പേടിക്കേണ്ട.., ബാബുവിന് എപ്പോൾ വേണമെങ്കിലും തിരിച്ചു വരാം!, പക്ഷെ നിങ്ങൾ ഇപ്പോൾ വാങ്ങിക്കുന്ന സാലറി എനിക്ക് തരാൻ സാധിക്കില്ല!…. എങ്കിലും, ആ ഒരു നല്ല വാക്കു, ഏറെ സമാദാനമായി തോന്നി!

അടുത്ത ദിവസം അഫ്താബിന്റെ അടുത്തു ജോലിചെയ്യുന്ന, അകൗണ്ടെന്റ് വിൽഫ്രഡ്ന്റെ ബ്രദർ, എന്നെ വിളിക്കുന്നു! ഒരു നിമിത്തം പോലെ ? അദ്ദേഹം സീക്കേഴ്സ് എന്ന ജോബ് കൺസൽ ട്ടൻസിയിൽ എക്സികുട്ടവായി ജോലി ചെയ്യുന്നു!.

അവർക്കു ഞാൻ ജോലിയെടുക്കുന്ന പോലെയുള്ള ആളുകളെ വേണം! നല്ല സാലറി പാക്കെജജ് ഓഫ്ഫർ തരാം?!!

കേൾക്കേണ്ട താമസം, ഞാൻ എന്റെ കാര്യം പറഞ്ഞു! ഇന്റർവ്യു ഒക്കെ ടെലിഫോണിലൂടെ! സാലറി പിന്നീട് ഫിക്സ് ചെയ്യാം?,

വേറെ ആരെയൊക്കെ കിട്ടും എന്നായി! അന്വേഷിച്ചിട്ടു പറയാം, എന്നും പറഞ്ഞു ഞാൻ ഫോൺ സംഭാഷണം അവസാനിപ്പിച്ചു!!

ജി. എം. കൃസ്റ്റീൻ ഡാനിയലിന്റെ അടുക്കൽ പോയി വിവരം പറഞ്ഞു !

സ്ത്രീ അകെ വിഷമിച്ചിട്ടു പറഞ്ഞു, ബാബു ഡോണ്ട് ടേക്ക് എനി ഇമ്മീഡിയറ്റ് ഡിസിഷൻ!

ലെറ്റ്… മി… ഗിവ്… ഇനഫ്…..ടൈമ് !

എനിക്കൊന്നും കാര്യം മനസിലാവുന്നില്ല !

എന്നിട്ടു പറഞ്ഞു!… യു…., ആൻഡ് ജോൺ വർഗീസ്…., വിൽ…. റിമൈൻ വിത്ത്…. കോട്ടക്കന!!

ഐ.. യാം….. മൂവിങ്.. ടു .. കൊമറോസ്!

ആൻഡ്.. യു…. “ടു” ..വിൽ.. ജോയിൻ വിത്ത്… ഔർ… ന്യൂ…. അസോസിയേറ്റ് ! മാത്യൂയൂസ് ആൻഡ് ഡാനിയൽ (സർവീസസ്‌ ) ബർമുഡ ലിമിറ്റഡ് ദുബായ് ,!!

ഡ്യൂ…. ടു … സംമ് … ഇന്റർണൽ… ഇഷ്യു വിത്ത് “…..യൂറോ…. മെറയിൻ” … ഐ…. കെപട് … സീക്രട്ട് … ദിസ് ഇൻഫോർമേഷൻ!
ഡോണ്ട്… ടെൽ… എനിബഡി !

ഉച്ചയായപ്പോൾ; ജനീവയിൽ നിന്നും കോൺട്രാക്ട് മാനേജർ റിക്കോബറ്റിന്റെ ഇ മെയിൽ സന്ദേശം! അപ്പോയ്ന്റ്മെന്റ് ലെറ്റർ പുതുക്കിയ ശമ്പളം .

കൂടെ ഫോണും എന്നിട്ടു ഒരു ഉപദേശവും ബാബു… യു… വിൽ.. ഹാവ് ..എ ..ഗുഡ് ഫ്യൂച്ചർ.. ഇൻ.. കോട്ടക്കന !

ഞാൻ ആകെ കൺഫ്യൂഷനിലായി ഏതു സ്വീകരിക്കണം… സീ ക്കേഴ്സ് വഴി ഇന്റർടക്കിൽ …. മാത്യൂസ് ഡാനിയൽ വഴി കോട്ടക്കനയിൽ വീണ്ടും …. സാലറി വഴി നോക്കുമ്പോൾ എന്തുകൊണ്ടും ബെറ്റർ ഇന്റർടെക്ക് തന്നെ …. അഫ്താബിന്റേതു എസ ഓ എസ ആയി മാറ്റിവെച്ചു …

ഒരു സമാദാനമായി . പിറ്റേന്ന് ഞങ്ങളുടെ കാര്യം ഡിസ്‌ക്‌ളോസ് ചെയ്യാതെ; മറ്റ് സ്റ്റാഫിനോട് കാര്യങ്ങൾ പറഞ്ഞു ഞാൻ! ജോലിയെല്ലാം മതിയാക്കി നാട്ടിൽ പോകുകയാണ് . നിങ്ങൾക്ക് താല്പര്യമുണ്ടെങ്കിൽ ഒരു ഓഫ്ഫർ ഉണ്ടു!
ജോലിക്കു അപേക്ഷിച്ചു കൊള്ളാൻ ഇന്റർ ടെക് എന്ന കമ്പനിയിൽ!!

ജിജിയും, അലക്‌സും, ഡെറിക്കും, തോമസ്സും അവിടെ അപേക്ഷിച്ചു ജോലിയിൽ കയറി!

ശശിയോട് ചോദിച്ചപ്പോൾ ശശി പറഞ്ഞു അദ്ദേഹത്തിന് അയാളുടെ പഴയ സ്ഥാപനത്തിൽ ജോലി ലഭിച്ചു വെന്നു. ക്ലാരിനെയും അവരുടെ പഴയ സ്ഥാപനമായ സൈഫം എന്ന കമ്പനിയിൽ ചേർന്ന്. സാബു യൂ കെ യിലേക്ക് അതിനും മുൻപേ പോയിരുന്നു .

ഞാനും, ജോണും, വിസ കേൻസൽ ചെയ്‌തു നാട്ടിലേക്കും !!

നാട്ടിൽ എത്തി ഏതാണ്ട് ഒരാഴ്ചയ്ക്കുള്ളിൽ പുതിയ വിസ വന്നു!

കൂട്ടത്തിൽ, ഭാര്യക്കും, മകൾക്കും വിസിറ്റ് വിസയും !

മാത്യുസ് ഡാനിയൽ സർവീസസ് ബ്രിട്ടീഷ് കമ്പനിയാണ് . മെറെയ്ൻ ഇൻസ്പെക്ഷനും ലോസ് അഡ്‌ജസ്റ്റിങ്ങും; പ്രധാന ജോലി!.

കോട്ടക്കന കൂടി അസോസിയേറ്റ് ആയതോടുകൂടി പ്രീ ഷിപ്‌മെന്റു ഇൻസ്പെക്ഷനും .
നല്ലരീതിയിൽ പോയിക്കൊടണ്ടിരിക്കു മ്പോൾ?
ഒരു ദിവസം ജനീവയിൽ നിന്നും റിക്കോബൈറ്റ് , ബാബു വി.. ആർ.. ഇൻ പ്രോബ്ലം? ഔർ… എക്സിസ്റ്റിങ് കോൺട്രാക്ട്… വിത്ത്.. കൊമറോസ് ആൻഡ്… ഡിജിബൂതി.. ഈസ് … ആൾസോ ലോസ്റ്റ്!…

സൊ.. നോട്ട്… മച്ചു വർക്ക്… യു… ബോത്ത്… മേ…. ബി.. റോലീവ്ഡ്… നെക്സ്റ്റ്… മൻത്തു…
മെസേജ് കേട്ട ഉടനെ സപ്ത നാഡികളും തളർന്നത് പോലെ ! ഇന്റർടെക്കിൽ ! കൂടുതൽ ശമ്പളത്തോട്‌ കൂടിയുള്ള? കിട്ടിയ ജോലിയും കളഞ്ഞു!

നല്ല ഭാവിയുണ്ട്! എന്നു പറഞ്ഞ വെക്തി എന്നെ വിളിച്ചിട്ടു പറയുകയാ!! അയാളുടെ കാര്യവും പരുങ്ങലിലാ എന്നു? .
ആരോട് പറയാൻ!

കൃസ്റ്റീൻ ഡാനിയലിനെ വിളിച്ചു !! സ്ത്രീ സ്ട്രെയ്റ്റ് ഫോർവേഡാണ്, അവർക്കു ചെറിയൊരു മനസാക്ഷി കുത്തുപോലെ !
അവർ പറഞ്ഞു! … ലെറ്റ് മി ടോക്ക് വിത്ത് പോപ്പിൽറ്റൺ?
അയാൾ ഒര് ഡയറക്ടറാണ്! . എന്നെ നേരിട്ടറിയാം. സംസാരിച്ചു ! പിറ്റേന്ന് വിളിച്ചു ക്യാൻ യു ജനറേറ്റ് സം കൊമേർഷ്യൽ ബിസിനസ്സ് ?

ചെറിയൊരു ആശ്വാസം . എന്റെ കേറോഫിൽ എനിക്ക് തരേണ്ടുന്ന തുകയ്ക്കുള്ള ബിസിനസ്സ് കൊടുക്കുന്നുണ്ട്! ആ ധൈരിയം വെച്ച് എസ് പറഞ്ഞു! . പറഞ്ഞുവല്ലോ നിമിത്തം !

വൈകുന്നേരമായാൽ എല്ലാ വ്യാഴാഴ്ച്ചയും അൽഷാബിൽ ശശി എന്നൊരാളുടെ വീട്ടിൽ താമസിക്കുന്ന എസ. കെ ഗാംഗുലി , ദുബായ് പെട്ട്രോളിയത്തിൽ കോൺട്രാക്ട് വ്യവസ്ഥയിൽ ജോലി ചെയ്യുന്ന വെക്തി!

അദ്ദേഹം ശിരിടി സായി ബാബയെ ഉപാസിക്കുന്ന ഭക്തനാണ്!. ശശി എന്റെ കൂടെ ജോലിചെയ്തിരുന്നു . ഷാർജാ യൂണിറ്റിൽ . ഷാർജാ യൂണിറ്റ് ക്ളോസ് ചെയ്യുന്നതിന് മുൻപ് ശശിയെ ടെർമിനേറ്റ് ചെയ്തിരുന്നു.

അദ്ദേഹത്തിന്റെ പഴയ എംപ്ലോയറെ കണ്ടുമുട്ടുകയും അവരുടെ ബിസ്നസ്സ് പുനസ്ഥാപിക്കുകയും ചെയ്തപ്പോൾ അവരും ശശിയെ തേടുകയായിരുന്നു . യഥാവിൽ ട്രേഡ് സെന്റർ എക്‌സിബിഷനിൽ വെച്ച് വീണ്ടും കണ്ടുമുട്ടിയപ്പോൾ അവർ ശശിയെ അവരുടെ ഇന്റർ നാഷണൽ ട്രേഡ് വിങ്ന്റെ ജി. എം ആയി വീണ്ടും നിശ്ചയിച്ചു .

എന്റെ ജോലി നഷ്ടപെടുന്ന അവസ്ഥയിലാണ് ഉള്ളത് എന്ന് ഞാൻ ശശിയോട് പറഞ്ഞു . നമ്മൾ ഹാളില് സംസരിച്ചിരിക്കുമ്പോൾ ശ്രീ ഗാംഗുലി പുറത്തു വന്നു ഞങ്ങളോടൊപ്പം ചേർന്ന് . ശശി ഗാംഗുലിയോട് പറഞ്ഞു ഭയ്യാ …

ഗാംഗുലിയെ ഞങ്ങൾ ഭയ്യാ എന്നാണ് വിളിക്കുന്നത് …

ഓഫീസ്… സെ… ബാബു കോ നികൽനാ സോച്ചരെ !
വോ…. ബോൽത്താഹേ … കമ്പനിക്കാ കോൺട്രാക്ട് … കാൻസൽ … ഹോഗയാ! ഉസ്‌ലിയെ…. ഓഫീസ്…. പെ… കാം… നഹി…..

ഇത് പറഞ്ഞതും, ഭയ്യ.. അദ്ദേഹത്തിന്റെ ചെവിയിൽ തട്ടി! എന്നിട്ടു? എന്റെ കൈ പിടിച്ചിട്ടു ഒരു നിമിഷം ആലോചിച്ചിട്ട് പറഞ്ഞു! തും… കൊ … കുച്ചു …. ഹോയേഗാ …
നിനക്കൊന്നും സംഭവിക്കില്ല . തും ഉദരീ രഹേഗാ!! . (നിങ്ങള്ക്ക് ഒന്നും സംഭവിക്കില്ല നിങ്ങള്ക്ക് മാത്യൂസ് ഡാനിയലിൽ തന്നെ തുടരാൻ സാദിക്കും!) വൊഹീ… സാലറി… പെ ..

ഞാൻ ആവർത്തിച്ച്; നഹീ.. ഭയ്യാ.. ടോണി മേക്സ്ൽ നെ മുജേ ഭോലാ: ദൂസര കാം പെ ഡൂണ്ട്നെക്കോ ?
ഭയ്യാ വീണ്ടും നോ പ്രോബ്ലം ബാബു ബാബാ വിൽ ടേക് കെറോഫ് യു. .

പിന്നെ പൂജായുടെ സമയമായി എല്ലാവരും പൂജാ മുറിയിലേക്ക് …

ബാക്കി വിശേഷം അടുത്ത സന്ദർഭത്തിൽ പറയാം ..

….. പാലം പൊളിച്ചു യാത്രാ സൗകര്യം നഷ്ടപ്പെട്ടെങ്കിലും ചങ്ങാടം എന്ന
ടെമ്പററി സൗകര്യം ചെയ്ത അനുഭവം പോലെ എന്റെ ജോലിക്കാര്യത്തിലും ഉണ്ടായത് എറെ മനസമാധാനം ഉണ്ടക്കി എന്നു പറയാതെ വയ്യ …!!!

ഞാൻ ശ്രീ യെ പറ്റി പറഞ്ഞു! വാസൂട്ടി ഏട്ടനെ പറ്റിയും കൊളണ്ടി അഹമ്മദ്ക്ക യുടെയും,
വിശേഷങ്ങൾ പങ്കുവെച്ചു അഴിയൂരിലേക്കു മടങ്ങാൻ ഇരുന്നതായിരുന്നു അപ്പോൾ ചിലർക്ക് സംശയം

മയ്യഴിയിലെ പല പ്രദേശങ്ങൾക്കും എങ്ങനെ പേര് വന്നു വെന്നറിയണം?.

മയ്യഴിക്കാരുടെ സംശായമല്ലേ? തീർത്തുകൊടുക്കാം, എന്ന് കരുതി ഒരുദിവസത്തേക്ക് മാറിയതായിരുന്നു!

അത് കഴിഞ്ഞപ്പോൾ ഒരാൾക്ക് വേറൊരു സംശയം!
പൊളിച്ച പാലത്തെ പറ്റി ചോദിക്കുന്നു? അതെന്തു ചെയ്ത്?
അതൊക്കെ തീർത്തു വീണ്ടും റെയിൽവേ സ്റ്റേഷൻ പ്സരിസരത്തേക്കു .

ഇനി ഇവിടെ പറയാനും, ഓർമിക്കാനും ഉള്ളത് ?

നമ്മുടെ അനാദിക്കടയിൽ അദ്ധ്യം പാലക്കാട്ടുകാരൻ വീരഭദ്രൻ ചെട്ടിയാർ നല്ല രീതിയിൽ ഒരു പപ്പട കട നടത്തിയിരുന്നു . കട മുഴുവൻ പായ വിരിച്ചു ഉഴുന്നുപൊടിയും എള്ള് എണ്ണയും കുട്ടി മിക്സ് ചെയ്‌തു, ഇടയ്ക്കു പപ്പടക്കാരവും, ചേർത്ത് നല്ലവണ്ണം കുഴച്ചെടുക്കും! ശ്രമകരമായ ജോലി തന്നെ .
വെള്ളം ചേർക്കില്ല ഇടയ്ക്കു ഇടയ്ക്കു, ഇടയ്ക്കു കുഴയാൻ പാകത്തിന് എണ്ണ മാത്രം, ചേർക്കും! ഏറെനേരം ഇങ്ങനെ ചെയ്‌താൽ അവസാനം കുഴച്ച മാവു ചെട്ടിയാർ പറയുന്ന പരുവത്തിൽ ആവും .

പിന്നെ ചെട്ടിയാർ അത് മുന്ന് നാലു ഭാഗമാക്കി കൂടെയുള്ളവർക്ക് കൊടുക്കും . അത് പിന്നീട് അവർ ചെറിയ ചെറിയ ഉരുളകലക്കി പലകയിൽ ഇട്ടു രണ്ടു കൈകൊണ്ടും ഉരുട്ടി കയറിന്റെ ഷേപ്പിൽ നീളത്തിൽ ഉരുട്ടിയെടുക്കും .

പിന്നീട് അത് അരിവാൾ പോലുള്ള സാധനത്തിൽ വെച്ച് മുറിച്ചെടുക്കും . പിന്നെ കുറെ മൈദാ മാവു വിതറി പലകയിൽ ഇട്ടു പല വലിപ്പത്തിൽ പരത്തിയെടുക്കും !
പരത്തുന്നതിന്റെ എളുപ്പത്തിനും ഒട്ടി പിടിക്കാതിരിക്കാനും, ഇടയ്ക്കു, ഇടയ്ക്കു മൈദ വിതറിക്കൊടുക്കും!

കുറേയാവുമ്പോൾ അത് ഒരു കൈ കൊണ്ട് എടുത്തു അറ്റം കൂട്ടിപ്പിടിച്ചു മറ്റേ കൈയുടെ ഉള്ളം കൈയ്യിൽ അടിച്ചു ഒട്ടിയ മൈദപ്പൊടി കളയും. അതിനുമൊരു രീതിയുണ്ട് .
പിന്നീട് ഷോപ്പിനു മുൻപിലുള്ള സ്ഥലത്തു പായ വിരിച്ചു വെയിൽ കൊള്ളിച്ചെടുത്തു ലേബലിട്ടു കെട്ടുകളാക്കി പേക്കു ചെയ്യും .

ഇപ്പോൾ ഈ രീതിയിലൊന്നും ആരും പപ്പടം ഉണ്ടാക്കുന്നില്ല . എന്ത് എണ്ണയാണ് ഉപയോഗിക്കുന്നത് എന്ത് പൊടിയാണ് ഉപയോഗിക്കുന്നത് എന്നൊന്നും ആർക്കും അറിയില്ല .

ഒറിജണൽ ഉഴുന്ന് പപ്പടം എങ്ങനെയെന്ന്, തിരിച്ചറിയുന്നത് എന്ന് ഞാൻ ഇതിനു മുൻപ് സ്റ്റേഷൻ റോഡിലെ കുട്ട , പായ , കുഞ്ഞിരാമേട്ടന്റെ ആല വിശേഷങ്ങൾ എഴുതുന്ന കൂട്ടത്തിൽ എഴുതിയിട്ടുണ്ട് .

നോക്കി പരീക്ഷിക്കാവുന്നതാണ്…

ബീനാ ബേക്കറി . സ്റ്റേഷനടുത്തുള്ള വേറൊരു ബേക്കറിയായിരുന്ന ബീനാ ബേക്കറി . നാണു എന്ന് പറയുന്ന ആളുടെ ഉടമസ്ഥതിയിലുള്ള ഈ ബേക്കറിയും വളരെ പ്രശസ്തമായിരുന്നു .

കൃസ്മസ്സ് സീസണായാൽ ബീനാ ബേക്കറിയിൽ പല രൂപത്തിലുള്ള കേക്കുകൾ തയ്യാറാക്കി വെച്ചത് കാണാം . കാഴ്ചയിൽ ചെറുതായി തോന്നുമെങ്കിലും നല്ല രീതിയിൽ ബിസിനസ്സ് നടത്തിവന്ന ഒരു ബേക്കറി തന്നെ .

ഇവിടെത്തെ മിക്സ്ചർ ലഡ്ഡു ഗൂന്ധി , പൊട്ടിയപ്പം ഒക്കെ വളരെ പ്രസിദ്ധമായിരുന്നു .

ഒരു തറി മരുന്ന് ആയുർവേദ കടയെ പറ്റിയാണ് ഇനി പറയാനുള്ളത്!

സ്റ്റേഷൻ പരിസരത്തു കോറോത്തു ഗോപാലേട്ടൻ ഒരു സോഡക്കമ്പനി നടത്തിയതായി ഓർക്കുന്നു . അദ്ദേഹത്തിന്റെ മരണത്തോട് കൂടി കൂടി അത് അനുജൻ കോറോത്തു ആനന്ദേട്ടൻ കുറച്ചു കാലം നടത്തിയെങ്കിലും അത് പിന്നീട് പ്രവർത്തനം അവസാനിപ്പിച്ച് .

കുഞ്ഞിരാമൻ വൈദ്ധ്യർ! അദ്ദേഹത്തെ പറ്റി പറയുമ്പോൾ ഓർമയിൽ ഉള്ളത് !!
കുറച്ചു കാലം പല വൈദ്ധ്യൻ മാരുടെയും കുറിപ്പുകൾ അനുസരിച്ചു കഷായ കൂട്ടുകളും, എണ്ണകളും, അരിഷ്ടങ്ങളും, വിതരണം ചെയ്യ്യുക .

എപ്പോഴും കുറച്ചു വേരുകൾ ഓണക്കച്ചുള്ളികൾ, വള്ളികൾ, കടയുടെ മുൻപിൽ ഉണ്ടാവും . ഉണങ്ങി നശിക്കാതിരിക്കാൻ ബാലൻ എന്നൊരാൾ അതിനെ ഇടയ്ക്കു വെള്ളം കുടഞ്ഞും, ഓക്കേ പരിപാലിക്കുന്നുണ്ടാവും !

പുറമെ നിന്നും വൈദ്ദ്യന്മാർ നൽകുന്ന കുറിപ്പനുസരിച്ചു, തറി മരുന്നുകൾ ഉണക്കച്ചുളിയും, കമ്പും, വള്ളിയും, ഓക്കേ എടുത്തു ഒരു വലിയ മരത്തടിയുടെ മുകളിൽ വെച്ച് തറച്ചു പൊടിയാക്കി കൊത്തി അരിഞ്ഞു കടലാസിൽ കെട്ടി തരും!

തരുമ്പോൾ പറയും, ഇത് കുറച്ചെടുത്തു വൈദ്ധരുടെ അളവ് പ്രകാരം മുള്ള വെള്ളമെടുത്തു! കലത്തിൽ ഇട്ടു, പതപ്പിച്ചു, കുറുക്കി, ഇത്ര ഗ്ലാസാക്കി!! ഒരൗൺസ് വീതം, വെല്ലം മേമ്പൊടിയായി കുടിക്കുവാൻ! …

അയാൾ ചിരിച്ചു മധുരമുള്ള വാക്കിൽ പറയുമെങ്കിലിം! കുടിക്കുന്നവർക്കേ അതിന്റെ ബുദ്ധിമുട്ട് അറിയൂ .!

പിൽക്കാലത്തു പാരമ്പര്യം കോണ്ടു സഹായിയായി നിന്ന ബാലനും ബാലൻ വൈദ്ധരായി ! നല്ല കൈപുണ്ണ്യമുള്ള വൈദ്ധ്യരായിരുന്നു .
നല്ലോരു നടക നടനും കൂടി ആയിരുന്നു ബാലൻ വൈദ്ധ്യർ !

വേറൊരു വൈദ്ധ്യരായിരുന്നു കുഞ്ഞിരാമൻ വൈദ്യർ ! ഇദ്ദേഹം ചികിൽസിച്ചിരുന്നത് ഇവരുടെ വീടുകളിൽ നിന്ന് തന്നെ .
കറുത്ത് മെലിഞ്ഞ ഇദ്ദേഹം കുറിയൊക്കെ തൊട്ടു സ്ഥിരം ഖദ്ർ ധാരിയായിരുന്നു !

ചികിത്സാ വിധി ഹോമിയോ!!
ചികിത്സാ സ്ഥലം രണ്ടാം ഗേറ്റും കടന്നു കുറച്ചു മുൻപോട്ടു പോകുമ്പോൾ ഇടതു ഭാഗം ഇദ്ദേഹത്തിന്റെ വീട്ടുകാണാം, ആരും മിസ്സ്‌ചെയ്യില്ല . ഒര് പ്രത്യേകതരം വീടു . പുറത്തു നിന്ന് നോക്കുമ്പോൾ തന്നെ വീടിന്റെ മുകളിൽ വളഞ്ഞു കെട്ടി, ആർച് പോലെ ! ആക്കി അതിൽ സിമന്റു കൊണ്ട് തന്നെ രാമാനന്ദ ഫർമസി എന്ന് എഴുതി വെള്ള നൂറു വലിച്ചു, വലിയ അക്ഷരത്തിൽ എംബോസ് ചെയ്ത് വെച്ചിട്ടുണ്ടാകും!.

രണ്ടു മുന്ന് സ്റ്റെപ് കയറിയാൽ ചെറിയൊരു കോലായി! രണ്ടു ഭാഗങ്ങളിലും ഇരുത്തി . വലതു ഭാഗത്തു ചെറിയ ഒരു മുറി ഒന്ന് രണ്ടു മര ചില്ലിട്ട അലമാരകൾ! നടുക്ക് ഒരു മേശ! ഒരു മരക്കസേരയും!.

രോഗ വിവരം പറഞ്ഞാൽ അൽമാര തുറന്നു കുറച്ചു സാബുനരി പോലത്തെ ഗുളികയെടുത്തു . ചെറിയ പൊടികുപ്പിയിലാക്കി നിറച്ചു അതിൽ എന്തോ ഉറ്റിച്ചു, കോർക്കിട്ടു, അടച്ചു തന്നിട്ട് പറയും?

രണ്ടോ മൂന്നോ ഗുളിക കൈകൊണ്ടു തൊടരുത്! നേരെ ഒരു സ്പൂണിലോ ! മറ്റോ ശ്രദ്ദിച്ചി ഇട്ടു, നേരെ വായിൽ ഇട്ടു അലിയിച്ചു തിന്നാൻ . .

ചിലപ്പോൾ വെള്ളത്തിന്റെ രൂപത്തിലും തരും, അതും ഇതുപോലെ ചൂടാക്കി പതപ്പിച്ചു തണിഞ്ഞ വെള്ളം! ഒരു നിശ്ചിത അളവിൽ എടുത്തു അതിലും എന്തോ ഉറ്റിച്ചു തരും .

അളവ് കൃത്യതയാക്കാൻ കുപ്പിയിലുള്ള വള്ളത്തിന്റെ ലെവലിൽ വെള്ള കടലാസു അര സെന്റീമീറ്റർ വീതിയിൽ സ്ട്രിപ്പ് പോലെ കട്ട് ചെയ്തു നേരത്തിന്റെ എണ്ണം കണക്കാക്കി ഒരു പ്രത്യേകതരം രീതിയിൽ മുറിച്ചു കുപ്പിയുടെ പുറത്തു ഒട്ടിച്ചു തരും അത് നോക്കി ഓരോ ലെവലിലും എടുത്തു കഴിക്കാം .

പഥ്യം പറയും, ചായ ,കാപ്പി , മൽസ്യം മാംസം ,വർജ്യം .. എല്ലാത്തിനും ഗുളിക ഒന്ന് !
വെള്ളം ഒന്ന് ! ചേർക്കുന്ന മരുന്നു മാറിക്കൊണ്ടിരിക്കും . കുഞ്ഞിരാമൻ വൈദ്ദ്യരും നല്ല കൈപുണ്ണ്യമുള്ള വൈദ്ധ്യർ തന്നെ ! കുട്ടികൾക്കു വളരെ ഇഷ്ടം .

ആയുർവേദവും, കഷായവും, പോലെയല്ല !
ഇഷ്ടപ്പെട്ടു മരുന്ന് കഴിക്കാം .

മൂന്ന്ന്നു, പറഞ്ഞാൽ നാലോ അഞ്ചോ കൊടുക്കാൻ ആവശ്യപ്പെടും .
കണ്ണ് തെറ്റിയാൽ ചിലപ്പോൾ? ഒന്നോ രണ്ടോ കാണാതെ തിന്നുകളയും .

തിന്നാലും, ആർക്കും മനസിലാവില്ല !

കാരണം വൈദ്യർ ഗുളിക എണ്ണതെ കുപ്പിയിൽ നിറച്ചു തരുന്നതാണ്….
ഈ വൈദ്യൻ മാരെല്ലാം നല്ല കൈപുണ്ണ്യമുള്ളവരായതു കൊണ്ട് ആ കാലങ്ങളിൽ ഇവരൊക്കെ തന്നെയായിരുന്നു മാരകമായ രോഗങ്ങളിൽ നിന്നും അഴിയൂരിലെയും ചുറ്റുവട്ടത്തുള്ള വരെയുടെയും ആരോഗ്യം സംരക്ഷിച്ചത് എന്ന് ഓർത്തുകൊണ്ട് ഇന്നത്തെ എഴുത്തു ഇവിടെ നിർത്തുന്നു …

മഠത്തിൽ ബാബു ജയപ്രകാശ്………✍️ My Contact Cell No : 0091 9500716709