🇮🇳 മേരാ ഭാരത് …… ഭാരത് മാതാ കീ ജയ് 🇮🇳

Time Taken To Read 3 Minutes

ബ്രിട്ടീഷ് ഇന്ത്യക്ക് മുൻപേ, ഇന്ത്യൻ ഉപഭൂഖണ്ഡം എന്നത് വിവിധ പ്രദേശങ്ങളിലും കാലഘട്ടങ്ങളിലും വിവിധ പേരുകളിൽ അറിയപ്പെട്ടിരുന്നു.  “ഭാരതം” അല്ലെങ്കിൽ “ഭരതനാൽ ഭരിക്കപ്പെട്ട രാജ്യം” എന്നത് ഇന്ത്യൻ പുരാണങ്ങളിലും ചരിത്രത്തിലും ആഴത്തിൽ വേരൂന്നിയ ഒരുപേരാണ്.  മഹാഭാരതം, പുരാണങ്ങൾ തുടങ്ങിയ പുരാതന ഇന്ത്യൻ ഗ്രന്ഥങ്ങളിൽ ഇത് പരാമർശിക്കപ്പെട്ടിട്ടുണ്ട്, ഇതിഹാസ ചക്രവർത്തിയായ ഭരതനുമായി ബന്ധപ്പെട്ടിരിക്കുന്നു എന്നും വിശ്വസിക്കുന്നു.

“ഭാരത്” എന്ന പേരിന് ചരിത്രപരവും സാംസ്കാരികവുമായ പ്രാധാന്യമുണ്ട്, കൂടാതെ വിവിധ ഇന്ത്യൻ ഭാഷകളിലും ഇന്ത്യയുടെ ബദൽ നാമമായി ഉപയോഗിക്കാറുണ്ട്,  കാരണം അതിന്റെ നീണ്ട ചരിത്രത്തിലുടനീളം ഏകീകൃത ഇന്ത്യൻ ഉപഭൂഖണ്ഡം എന്ന ആശയവുമായി ഇത് ബന്ധപ്പെട്ടിരിക്കുന്നു. ഇങ്ങനെ വിളിച്ചുവരുന്നതനു നിരവധി ന്യായീകരണങ്ങളെ അടിസ്ഥാനമാക്കിക്കൊണ്ടാണ്.

“ഭാരതം” അതിന്റെ ഉത്ഭവം ഇന്ത്യൻ പുരാണങ്ങളിൽ കണ്ടെത്തുന്നു.  മഹാഭാരതവും പുരാണങ്ങളും പോലുള്ള ഹിന്ദു ഗ്രന്ഥങ്ങൾ അനുസരിച്ച്, ഭരതൻ ഒരു ഇതിഹാസ ചക്രവർത്തിയും ദുഷ്യന്ത രാജാവിന്റെയും ശകുന്തളയുടെയും മൂത്ത മകനായിരുന്നു.  അദ്ദേഹത്തിന്റെ പേര് പലപ്പോഴും അദ്ദേഹം ഭരിച്ചിരുന്ന ഭൂമിയുമായി ബന്ധപ്പെട്ടിരിക്കുന്നു, ഈ ബന്ധം ഇന്ത്യയുടെ പുരാതന നാമമായി “ഭാരത്”എന്ന് പറഞ്ഞു ഉപയോഗിക്കുന്നതിന് കാരണമായി എന്ന് പരക്കെ വിശ്വസിച്ചുവരുന്നു.

സാംസ്കാരിക പൈതൃകമായി വിലയിരുത്തുമ്പോൾ ആയിരക്കണക്കിന് വർഷങ്ങൾ നീണ്ടുനിൽക്കുന്ന സമ്പന്നവും വൈവിധ്യപൂർണ്ണവുമായ സാംസ്കാരിക പൈതൃകമാണ് ഇന്ത്യക്കുള്ളത്.  “ഭാരത്” എന്ന പേര് ഉപയോഗിക്കുന്നത് ഈ ആഴത്തിലുള്ള സാംസ്കാരിക ചരിത്രവുമായുള്ള ബന്ധത്തെ പ്രതിഫലിപ്പിക്കുകയും ഇന്ത്യയുടെ അതുല്യമായ സ്വത്വം സംരക്ഷിക്കാനും പ്രോത്സാഹിപ്പിക്കാനും സഹായിക്കുന്നു.

ഭാഷാപരമായ പ്രാധാന്യം കണക്കിലെടുക്കുമ്പോൾ “ഭാരതം” എന്നത് ഭാഷാപരമായ അതിരുകൾക്കപ്പുറത്തുള്ള ഒരു പേരാണ്.  ഇത് വിവിധ ഇന്ത്യൻ ഭാഷകളിൽ അംഗീകരിക്കപ്പെടുകയും മനസ്സിലാക്കുകയും ചെയ്യുന്നു, ഇത് രാജ്യത്തിന്റെ ഏകീകൃത നാമമായി മാറുന്നതും അതുകൊണ്ടാണ്.

ഭരണഘടനാപരമായ അംഗീകാരം പരിശോദിക്കുമ്പോൾ “ഭാരത്” എന്ന പേര് ഇന്ത്യൻ ഭരണഘടനയിൽ ഉൾപ്പെടുത്തിയിട്ടുണ്ട് എന്ന് നമുക്ക് കാണാം. ഇന്ത്യൻ ഭരണഘടനയുടെ ആർട്ടിക്കിൾ 1 ഔദ്യോഗികമായി പ്രസ്താവിക്കുന്നത് “ഭാരത്” എന്നറിയപ്പെടുന്ന ഇന്ത്യ സംസ്ഥാനങ്ങളുടെ ഒരു യൂണിയനാണ് എന്നാണ്.

ദേശീയ ഐഡന്റിറ്റിയേപ്പറ്റിപ്പറയുമ്പോൾ പല ഇന്ത്യക്കാരും “ഭാരതത്തെ” അവരുടെ ദേശീയ സ്വത്വത്തിന്റെ പ്രതീകമായി കാണുന്നു, ഇത് ഏകത, വൈവിധ്യം, ഇന്ത്യൻ നാഗരികതയുടെ തുടർച്ച എന്നിവയെ പ്രതിനിധീകരിക്കുന്നു.

“ഇന്ത്യ” എന്നത് രാജ്യത്തിന് അന്തർദേശീയമായി അംഗീകരിക്കപ്പെട്ട പേരാണെങ്കിലും, അതിനോടൊപ്പം “ഭാരത്” എന്നതിന്റെ ഉപയോഗം രാജ്യത്തിന്റെ ആഴത്തിലുള്ള ചരിത്രപരവും സാംസ്കാരികവുമായ വേരുകളെ പ്രതിഫലിപ്പിക്കുകയും നിരവധി ഇന്ത്യക്കാർക്ക് അഭിമാനത്തിന്റെ ഉറവിടവുമാണ്.

മഹാനായ കവി
വള്ളത്തോളിന്റെ വരികൾ നമ്മൾ ചൊല്ലിനടന്നതു ഭാരതമെന്ന പേർകേട്ടാലഭിമാന പൂരിതമാകണമന്തരംഗം… എന്നല്ലേ? എന്തിനധികം പറയുന്നൂ..

ഇതൊക്കെ അദ്ധ്യമേ ഉൾക്കൊണ്ടു തന്നെയാണ് നമ്മുടെ ദേശീയ ഗാനവും ചിട്ടപ്പെടുത്തിയതും ഇന്നും ആലപിക്കുന്നതും … അറിഞ്ഞുകൂടെങ്കിൽ ഒന്ന് വായിച്ചു ഇതിൽ വല്ല സംശയവുമുണ്ടെങ്കിൽ ഒന്നുകൂടി ചൊല്ലി വിലയിരുത്താം .. ഇതിൽ എവിടെയും ഇന്ത്യ എന്ന് എഴുതി ചേർത്തിട്ടില്ല ലോകത്തു എവിടെയും അംഗീകരിച്ചത് ഭാരത് എന്ന് തന്നെയാണെന്നു കുറഞ്ഞ പക്ഷം കോൺഗ്രസ്സ് കാരെങ്കിലും ഓർക്കണമായിരുന്നു സോണിയാഗാന്ധിയും രാഹുൽ ഗാന്ധിയും, പ്രിയങ്കാ ഗാന്ധിയും ഈ വരികളുടെ ഉറവിടം ഓർക്കണമെന്നില്ല . കുറഞ്ഞ പക്ഷം അവരെ കൂട്ടിനടക്കുന്ന ഖദ്ർ ധാരികളെങ്കിലും ഓർക്കണമായിരുന്നു ചരിത്രം!

മാസങ്ങൾക്കു മുൻപ് നിങ്ങളല്ലേ കന്ന്യാകുമാരി മുതൽ കാശ്മീർ വരെ എന്തോ യാത്ര നടത്തിയിരുന്നത് ? പേര് പറയാൻ മടിയുണ്ടെങ്കിൽ? മറന്നതാണെങ്കിൽ ഞാൻ പറഞ്ഞു തരാം ഭാരത് ജോഡോ യാത്ര … അല്ലാതെ ഇന്ത്യ ജോഡോ യാത്ര എന്നല്ലല്ലോ? കുറഞ്ഞത് അതെങ്കിലും ഓർത്തുകൂടെ ?

അതുപോലെ എൻ .ഡി .എ സർക്കാരിന്റെ മിക്ക പദ്ധതികളും ഭാരത് ചേർത്ത് തന്നെയാണ് ഉദാഹരണത്തിന് “ഗ്രാമോദയ്‌ സെ ഭാരത്”, “ഉദയ് സേതു ഭാരതം യോജന മിഷൻ, സ്വച്ഛ് ഭാരത്”, “അമൃത് ഭാരത്”, “വന്ദേ ഭാരത്”, “ആത്മ നിർമ്മാൺ ഭാരത്” പദ്ധതികൾ? എന്നിങ്ങനെ നീളുന്നു.. അതുപോലെ സിനിമാ മേഖലയിൽ നല്ല നടനുള്ള അവാർഡ് നൽകുന്നതിന്റെ പേരും “ഭരത് അവാർഡ്” എന്നതല്ലേ ?

ഇതിലൊന്നും കാണാത്ത എന്ത് പോരായ്മ്മയാണ് നിങ്ങളൊക്കെ ഇപ്പോൾ ഈ പേരിൽ (ഭാരത്തിൽ) കണ്ടെത്തിയത്? വിഡ്ഢിത്തരമാവാം അത് സ്വയം നെറ്റിയിൽ ഒട്ടിച്ചു നാട്ടുകാരെ അറിയിക്കണോ ഇതേയുള്ളൂ ചോദ്ദ്യം?

ഇതിനെതിരായി മുഷ്ട്ടി ചുരുട്ടുന്നവർ ഒരുകാര്യവുംകൂടി ഓർക്കണം മൂന്നു ഭാരത് രത്ന അവാർഡ് നെഹ്‌റു കുടുംബത്തിൽ ഇപ്പോഴും സൂക്ഷിച്ചിട്ടുണ്ട്. ഇതിന്റെ പേരിൽ മനോവ്യഥ തോന്നുന്നുണ്ടെങ്കിൽ അത് തിരിച്ചേൽപ്പിക്കാം. അല്ലെങ്കിൽ അത് ഇന്ത്യാരത്നം എന്നാക്കിത്തരുവാൻ ഇപ്പോഴത്തെ നിങ്ങളുടെ സാമ്പാർ മുന്നണിയോട് പറഞ്ഞു മാറ്റിയാൽമതി

ഇനീ ദേശീയ ഗാനമൊന്നു വയ്ക്കാമോ

ജന – ഗണ – മന അധിനായക ജയഹേ
ഭാരത – ഭാഗ്യ – വിധാതാ,
പഞ്ചാബ്-സിന്ധു – ഗുജറാത്ത് – മറാഠാ
ദ്രാവിഡ – ഉത്‌കല – ബംഗാ,
വിന്ധ്യ – ഹിമാചല – യമുനാ – ഗംഗാ,
ഉച്ഛല – ജലധി – തരംഗാ,
തവ ശുഭ നാമേ ജാഗേ,
തവ ശുഭ ആശിഷ മാഗേ,
ഗാഹേ തവജയ ഗാഥാ,
ജന – ഗണ – മംഗല – ദായക – ജയഹേ
ഭാരത – ഭാഗ്യ – വിധാതാ.
ജയഹേ, ജയഹേ, ജയഹേ
ജയ ജയ ജയ ജയഹേ

അതായതു സർവ്വ ജനങ്ങളുടെയും മനസ്സിന്റെ അധിപനും നായകനുമായവനെ ഭാരതത്തിന്റെ ഭാഗ്യം വിധാനം ചെയ്യുന്നവനെ അവിടുന്ന് ജയിച്ചാലും.
പഞ്ചാബ്, സിന്ധ് , ഗുജറാത്ത്, മഹാരാഷ്ട്ര, ദ്രാവിഡം, ഒറീസ്സ, ബംഗാൾ, എന്നീ പ്രദേശങ്ങളും വിന്ധ്യൻ, ഹിമാലയം എന്നീ കൊടുമുടികളും,
യമുനാ, ഗംഗാ എന്നീ നദികളും സമുദ്രത്തിൽ അലയടിച്ചുയരുന്ന തിരമാലകളും
അവിടത്തെ ശുഭ നാമം കേട്ടുണർന്നു അവിടത്തെ ശുഭാശിസ്സുകൾക്കായി പ്രാർഥിക്കുന്നു; അവിടത്തെ ശുഭഗീതങ്ങൾ ആലപിക്കുന്നു.
സർവ്വ ജനങ്ങൾക്കും മംഗളം നല്കുന്നവനെ,
ഭാരതത്തിന്റെ ഭാഗ്യം വിധാനം ചെയ്യുന്നവനെ അവിടുന്ന് വിജയിച്ചാലും! വിജയിച്ചാലും! വിജയിച്ചാലും!

നിർഭാഗ്യവശാൽ നമ്മുടെ ദേശീയ ഗാനത്തിൽ പരാമർശിക്കുന്ന ചില സ്ഥലങ്ങൾ വിഘടിച്ചു പോയെങ്കിലും ഇന്നും നമ്മുടെ ദേശീയ ഗാനത്തിൽ ഇൾക്കൊള്ളുച്ചിട്ടുണ്ട്. ആ വാക്കുകൾ നീക്കം ചെയ്തിട്ടില്ല! അതിനർത്ഥം ആസ്ഥലങ്ങൾ ഒക്കെത്തന്നെ ഇന്നും ഭാരതീയർ മനസ്സിൽ ഉൾക്കൊള്ളുന്നുണ്ട് എന്നുതന്നെയാണ്. ഒരുപക്ഷെ ആസന്ന ഭാവിയിൽ തന്നെ നമ്മുടെ ഭാരതത്തോട് കൂടിച്ചേരുമായിരിക്കും എന്ന് നമുക്ക് പ്രത്യാശിക്കാം. ജയ് ഭാരത് 🇮🇳

Madathil Babu Jayaprakash ……….. ✍ My Watsapp contact No 9500716709